د کرنې او مالداري وزارت نن له يو امريکايي شرکت سره تړون لاسليک کړ

په داسې حال کې چې نن دکوپراتيفونو نړيواله ورځ نمانځل کېږي دکرنې او اوبو لګولو وزارت نن دامريکا له فولک انترنشتل موسسې سره يو تړون لاسليک کړ چې دهغه له مخې به په کابل، پروان او کاپيسا کې دبڼوالې د کوپراتيفونو د پياوړتيا په لاره کې يو لړ ګامونه واخستل شي . دباختر اژانس دخبر له مخې، ددغه موافقه ليک کلي ارزښت شپږ اعشاريه څلورو مليونو يورو ته رسيږي چې دفرانسې ددولت له خوا ورکول کېږي او دفولک انترنشنل موسسې له خوا عملي کېږي . دکرنې او اوبو لګولو وزير محمد اصف رحيمي نن ددغه تړون دلاسليک کولو په وخت کې وويل تر دغې پروژې لاندې لومړي به په دغودريو ولايتونوکې د څلويښتو کوپراتيفونو دظرفيتي اړتياو څيړنه وشي . دغه کوپراتيفونه به خپل کاري پروګرامونه طرحه کړي او دکوپراتيفونو غړي به وروزل شي او ښځو ته د پور ورکولو صندوق جوړيږي . دکرنې او اوبو لګولو دوزير د څرګندونو له مخې دکوپراتيفونو دپياوړتيا پروژه په دوه زره شپږ ميلادي کال کې جوړه شوې ده چې سرله نن څخه عملي کېږي او تر راتلونکو څلورو کلونو پورې بشپړيږي . دغه پروګرام په دغو دريو ولايتونو پورې محدود نه پاتې کېږي بلکې نورو ولايتونو اوولسواليو ته هم پراختيا مومي .