30 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

 کابل / د لړم ٩ مه / باختر 
د اطلاعاتو او فرهنګ وزارت مشرتابه د سمنګانو د والي د وياند او د دغه ولايت د سابقه لرونکي خبريال محمد صديق عزیزي پر مړينې خواشيني څرګنده کړه.
د سمنګانو د والي وياند محمد صديق عزيزي تېره شپه د ١١ بجو په شاوخوا کې چې        د واده له مراسمو څخه د کور په لور روان و؛ د ده د سپرلۍ موټر د سمنګانو – مزارشريف لويې لارې په ايبکو ښار پورې اړوند بندر سيمه کې له يوه بار وړونکي موټر سره ټکر وکړ او ووژل شو.
محمد صديق عزيزي د سمنګانو يو سابقه لرونکی خبريال و او په ۸۰ يمه لسيزه کې یې د سمنګانو د ملي راډيو ټلويزيون په آمريت کې دنده پيل کړه او له ۹۰مې لسيزې راپدېخوا د یاد ولايت د والي د وياند په توګه يې دنده ترسره کوله.
د اطلاعاتو او فرهنګ وزارت رهبري د عزيزي مړينه يوه ضايعه بولي او ارواښاد ته  د فردوس جنت، پاتې کسانو او هېواد د خبريالانو ټولنې ته د جميل صبر او جزيل اجر هيله کوي.
پاى/ ذ

-کابل / دلړم ٨مه /باختر
د خامه پرس خبري اژانس لسمه کالیزه په کابل سرينا هوټل کې ونمانځل شوه.
د باختراژانس د خبرله مخې؛  په هغې غونډه کې چې په همدې مناسبت جوړه شوې وه،  لومړى د خامه پرس مسوولې مديرې  فاطمې هاشم خبرې وکړې او وېې ويل چې په اوسنيو شرايطو کې د همکارانو اوهم مسلکانوپه ملاتړ لس کاله اطلاع رسونه ګڼ روایتونه لري.
هغې زياته کړه : د خامه پرس همکاران  په دې موده کې بريالى شوي دي چې  د سياسي،  ټولنيزو، اقتصادي اوفرهنګي پېښو بې پرې روايتونه په خبري ډول ټولنې ته وړاندې کړي؛ دا هغه بريالتيوب دى چې د رسنیو په ټولو کارکوونکوپورې  اړه لري.
هغې زياته کړه: د زياتې خوشحالۍ ځاى دى چې نن د هېواد د مطبوعاتو په کورنى کې خامه پرس د يوې مهمې رسنۍ په توګه مطرح دی.
په دې غونډه کې د اطلاعاتواوفرهنګ وزارت  سرپرست اونوماند وزير محمد طاهر زهير د خامه پرس رسنۍ  د لسمې کالیزې په مناسبت د مبارکۍترڅنګ وويل: په هېواد کې د مطبوعاتود فعاليت له پيل يعني د امير شيرعلي خان له وخت څخه اود شمس النهار د فعاليت له پيل څخه  يوسلو پنځوس اويا هم زيات کلونه تېريږي، د تجدد او نوپالنې له وخت څخه تراوسه پورې  د هېواد د مطبوعاتو په تاريخ کې زياتې لوړې ژورې  رامنځته شوي دي .
محمد طاهر زهير زياته کړه: بې سارې توپير چې موږ هغه  د مطبوعاتوپه برخه کې له پخوا څخه تراوسه پورې ګورو، د رسنيوظهور، وده او غوړېدا ده.
هغه زياته کړه: د اطلاعاتو اوفرهنګ وزارت د معلوماتو له مخې څه د پاسه ٣٥٠٠ تصويري،  صوتي ، کيبلي رسنۍ اوويبلاګونه  او همدارنګه نورې ډول ډول   رسنۍ ثبت اوراجستر دي چې د يوشمېر دغو رسنيوعمر لنډ و او له پيداېښت وروسته له منځه تللي دي اويوشمېر نورې ودې اوپراختيا ته رسيدلې دي.
خامه پرس د هغو رسنيو له جملې څخه ده چې په هېواد کې د جګړې د دوام له امله له  رامنځ ته شویوستونزو سره سره، بريالۍ شوې ده چې وده وکړي اولس کلنه شي.
محمد طاهر زهير د رسنيودريوځانګړتياوو ته اشاره وکړه او ويې ويل: رسنۍ  کولاى شي يومعيار وي ،رسنۍ کولاى شي يوه ستن وي او رسنۍ کولاى شي د دموکراسۍ په ټولنه کې يورکن وي؛ خو کومه رسنۍ ؟ هغه رسنۍ چې د خپل مسلکي فعاليت په اوږدوکې هېڅکله مسلکي تيروتنه و نه کړى .
هغه زياته کړه: د رسنۍ يوه بله ځانګړتيا د هغې پرتلیزه څيړنه ده. رسنۍ باید تل د خپل ځان او نورو د سياسي ،ټولنيزاواقتصادي حالت په اړه پرتلیزه څېړنه ولري.
د محمد طاهر زهير د څرګندونوله مخې؛ پرتلیزه څيړنه رسنۍ ته یو جلااو ځانګړی برداشت او درک ورکوي.
هغه ګاونډيوهېوادونوته په اشارې سره وويل: يو توپير چې په ګاونډيو هېوادونوکې شتون نه لري  اوزموږ په هېواد کې ورته لږه پاملرنه شوې ده، هغه  د ورځپاڼې د لوستلو فرهنګ دى .
هغه زياته کړه: که چېرې زموږ په هېواد کې د ورځپاڼې لوستلو فرهنګ  بنسټيز شي عامه پوهاوي ښه اوزياتيږي.
په پا ي کې محمدطاهر زهير وويل: که چېرې وغواړو په خپل هېواد کې  جګړه تاوتريخوالی اووحشت پاى ته ورسوواو د سبا لپاره روښانه لاره پرانيزو؛ نو يوازې د  معياري اومسلکي  مطبوعاتو د ودې له دريڅې څخه دغه لاره پرانیستلې شو اوبس.
په دې غونډه کې  فرخندې زهرا نادري هم د مسلکي اوحرفوي مطبوعاتو پراړتيا ټينګاروکړ او وېې ويل: مسلکي والى انډول ته اړتيا لري چې بايد رسنۍ  دانډول له په پام کې نيولوسره فعاليت وکړي .
داچې  خامه پرس  بریالۍ شوېده  د خپل فعاليت په لسوکلونوکې د مخاطب د لرلو له پلوه لومړى مقام ونيسي دليل يې د هغه مسلکي چلند دي .
دغه راز د خبريالانو  د مصوونيت کميټې رييس نجيب شريفي د رسنيو د فعاليتونوپه باب خبرې وکړې او وېې ويل: له ستونزو سره سره  موږ بريالي  شود رسنيو  يا په هېواد کې د مطبوعاتو فعاليت په نوي  فصل کې د ګاونډيو هېوادونو په نسبت ښه وځليږواو ښه ځاى ومومو چې دا د وياړ ځاى دى  خوبايد کوښښ وکړو چې  مسلکي اومعياري عمل وکړو اوبايد هلې ځلې وکړو چې د توان تر بریده له پېښو سره برسېرن چلند ونه کړو او د هغو ژورو ته لاړشوو.
ختم _ ج _اکرم

۴۸- کابل / د لړم ۷ مه / باختر د سارک هېوادونو د فرهنګي مرکز کلنۍ ناسته د اطلاعاتو او فرهنګ وزارت د پلان او پالیسۍ د رییس عبدالمقیم افغان په مشرۍ په آنلاين ډول جوړه شوه. د باختر آژانس د خبر له مخې؛ دغه ناسته چې د سارک د فرهنګي مرکز د چارو د سمون او مدیریت په موخه هر کال د افغانستان، هندوستان، پاکستان، بنګلدېش، نېپال، مالدیف، بوتان او سرېلانکا د استازو په ګډون جوړېږي، سږ کال یې مشري د افغانستان د اطلاعاتو او فرهنګ وزارت د پلان او پالیسۍ ريیس عبدالمقیم افغان وکړه. افغان له تېرو دوو کلونو راپدېخوا د سارک فرهنګي مرکز د مدیره پلاوي مشري په غاړه لري او په بریا سره يې د دغه مرکز ۱۱ مه او ۱۲ مه کلنۍ ناستې مدیریت کړې. د سارک فرهنګي مرکز د مدیره پلاوي په ۱۲ مه ناسته کې د نورو موضوعاتو ترڅنګ د کروناویروس له امله د پلان شويو چارو پر نه ترسره کېدو هم بحث وشو او پرېکړه وشوه چې د ۲۰۲۰ کال لپاره پلان شوي پروګرامونه چې د کروناویروس له امله نه دي ترسره شوي، په ۲۰۲۱ کال کې به ترسره شي. د افغان د څرګندونو له مخې؛ ټاکل شوې وه سږ کال د سارک فرهنګي مرکز له لورې په افغانستان کې د "عدم تشدد" ورځ ونمانځل شي، خو دا چې د سارک ټول پروګرامونه د کروناویروس د خپرېدو په دلیل وځنډېدل، یاده ورځ به هم په راتلونکي کال کې د سارک هېوادونو په کچه په افغانستان کې ونمانځل شي. د یادونې وړ ده چې د سارک سازمان د سهيلي آسیا هېوادونو ترمنځ د هر اړخیزو همکاریو د زیاتوالي او همغږۍ په موخه په ۱۹۸۵ کال کې رامنځته شو. دغه سازمان د نورو برخو ترڅنګ په فرهنګي برخه کې هم فعالیت کوي او د فرهنګي چارو د تنظيم په موخه يې په سرېلانکا کې فرهنګي مرکز جوړ کړی دی. پای/ وهاج

۳۸- کابل / د لړم ۷ مه / باختر د اطلاعاتو او فرهنګ وزارت سرپرست او نوماند وزير محمد طاهر زهير نن د يوناما دفتر د قانون د واکمنۍ له رييسې سره په کتنه کې، د فرهنګي همکاريو پر پراختيا ټينګار وکړ. د باختر آژانس خبريال د خبر له مخې؛ په دې کتنه کې اطلاعاتو ته د لاسرسي کمېسيون د غړیو د ټاکنې د کاري لارو چارو په اړوند چې د جمهوررييس د لارښوونې پر بنسټ، د قانون په رڼا کې او د غوراوي کمېټې تر پام لاندې ترسره کېږي، خبرې وشوې. د اطلاعاتو او فرهنګ وزارت سرپرست، اطلاعاتو ته د لاسرسي کمېسيون د درېيو غړیو د ټاکنې په بهير کې چې د آزادې سيالۍ له لارې ترسره کېږي؛ د شفافيت د تامينولو په اړه معلومات ورکړل. دغه راز په کتنه کې د فرهنګي همکاريو او دوه اړخيزو فرهنګي پروګرامونو د ترسره کولو او پياوړتيا په اړوند هم خبرې وشوې او د يوناما لوري، د اطلاعاتو او فرهنګ وزارت او يوناما ترمنځ د فرهنګي اړيکو پراختيا ته د ياد بنسټ د پاملرنې ډاډ ورکړ. پاى \ ذ
Page 1 of 555