23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

حسينې ساپۍ په ټولنه کې د هنر او هنرمندانو رول ارزښتناک وباله

Written by  manager
Rate this item
(0 votes)

کابل / باختر\ د زمري٢٧مه
د اطلاعاتو اوفرهنګ وزارت سرپرستې حسينې ساپۍ نن په ملي هنرستان کې د هنري اثارو نندارتون پرانيست.
د باختر آژانس خبريال د خبرله مخې، دغه  نندارتون د ملي هنرستان رياست له لوري د هېواد د خپلواکۍ د سلمې کاليزې په  مناسبت جوړ شوى  دى چې په کې د انځورګرۍ، ، خطاطۍ، ميناتورۍ، خياطۍ، کارتون د ماشومان د هنر(لاسي کار)          د کمپيوټر ډيزاين او اوبدلو هنري اثار شامل دي.
د نندارتون د پرانېستلو په مراسمو کې د اطلاعاتو او فرهنګ وزارت سرپرستې حسينې ساپۍ خبرې وکړې او لومړى يې د تېرې شپې د پېښې د قربانيانو له  کورنيو سره  چې د کابل ښار د شپږمې ناحيې په مربوطاتو کې رامنځته شوې د خپلې  ډاډګېرنې او غمشريکۍ مراتب څرګند کړل.
وروسته د اطلاعاتو او فرهنګ وزارت سرپرستې وويل، چې د اوسنيو ستونزو او ناخوالو په زغملوسره  سره  بيا هم موږ نه نا هيلې کېږو خپلو خلکو اوهېواد ته هيله من يو او زيار باسو څو په ناڅيزو امکاناتو سره  د هېواد د پرمختګ، پراختيا او آبادى په لور پرمخ ولاړ شو.
حسينې ساپۍ په ټولنه کې د هنر او هنرمندانو رول ارزښتناک وباله  او څرګنده يې کړه   چې هنرمندان او ځوانان د فکر، هنر او قلم خاوندان دي او په خپلو همدغو وسايلو سره مبارزه کوي  او په  هغې ژمنې  سره چې د خلکو او هېواد په وړاندې يې لري خپل احساس انځوري.
د ملي هنرستان رييس محمدهاشم شارق هم په خبرو کې د پروګرام په ا ړوند معلومات ورکړل او ويې ويل،  د دې ترڅنګ چې د ملي هنرستان رياست دغلام محمد ميمنه ګي د زده کړييز مرکز د امريت د زده کوونکو د نقاشۍ، خطاطۍ، ميناتورۍ، کارتون، د ماشومانو هنر(لاسي کار) د کمپيوټرډيزاين او اوبدلو اثار نندارې ته وړاندې شوي  دي ، ٣٠ تنه ځوان انځورګران د غلام محمد ميمنه ګي د هنري زده کړييز مرکز د زده کوونکو په ګډون د انځورګرۍ په سيالۍ لاس پورې  کوي او په عملي  او ژوندۍ بڼه د خپلواکۍ او آزادۍ  په اړوند خپل احساس انځوروي.
شارق وويل، چې د سيالۍ په پايله کې، د حکم هيئت له  څېړنې وروسته به درېيو غوره انځورګرانو ته نغدې جايزې ورکړاى شي.
دغه راز د غلام محمد ميمنه ګي د هنري زده کړييز مرکز يوې زده کوونکې مريم مهرزاد  د نورو په استازيتوب خبرې وکړې او د اطلاعاتو او فرهنګ وزارت  او د ملي هنرستان له  مشرتابه  څخه په دې خاطر چې د هغوى لپاره يې د هنرونو د زده کړې زمينه برابره کړې ده ، مننه وکړه.
د مراسمو په پاى کې  په داسې حال کې چې د اطلاعاتو او فرهنګ وزارت د فرهنګ او هنر معين پوهاند محمدرسول باوري، د دغه  وزارت سلاکاران، رييسان او يو شمېرميلمانه هم حاضر وو، حسينې ساپۍ د هنري اثارو  نندارتون پرانېست او ګډون والوهغه وکوت.
پاى \ ذ \

Last modified on Tuesday, 20 August 2019 04:12

Leave a comment

Make sure you enter the (*) required information where indicated.
Basic HTML code is allowed.