04 August 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اقتصادی

 کابل/ دزمري ١٢ مه / باختر
مرکزي بانک ٣٢ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د زمري په ١٣ مه د دوشنبې په ورځ، ٣٢ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى\محمدجان

- کابل د زمري ۱۱ باختر
په تخارکې د کلیود بیا رغاونې او پراختيا وزارت د ولسي تړون د ملي پروګرام              له لارې د لمریزې برېښنا شبکې د غځولو د پروژې کار بشپړشو.
د کلیو د بیا رغاونې او پراختيا وزارت ویاند نن د باخترآژانس خبریال ته وویل:         دغه پروژه  ددغه ولایت د نمک آب ولسوالۍ په  تاشبلاق کلي کې په دوو استیشنونو        کې تنظیم شوې چې ۹۲ کورنیوته د څه نا څه یونیم کیلواټه په ظرفیت برېښنا برابروي .
د کلیو د بیا رغاونې او پراختیا وزارت ویاند فریدون آژند زیاته کړه ددغې پروژې په جوړولو کې څه دپاسه څلورمیلیونه افغانۍ لګېدلې دي .
ختم \ ع

 کابل / د زمري ١١مه/ باختر
د باميانو په ورس ولسوالۍ کې د اوبولګولو د يوکانال او د اوبو د دريو زيرمو دجوړولو کاربشپړ شو.
د کليو د بيا جوړولو او پراختيا وزارت وياند د باختراژانس خبريال ته وويل:  د دغه ولايت د ورس ولسوالۍ په  قريه آچه کلي کې د دغه وزارت  د ولسي تړون د پروګرام له لوري د اوبولګولو د يو کانال او د اوبو د دريو زيرمو جوړول  بشپړشوي اود څه دپاسه ٤٠ جريبه ځمکې د خړوبولو زمينه هم برابره شوې ده  او ٣٧  کورنۍ  هم دهغو ګټو څخه برخمنې  کيږي.
پاى \ ذ

-کابل / دزمري ١٠مه /باختر:
په نړيوالو بازارونوکې د سرو زرو بيه د لوړېدو په حال کې دى .
د باختراژانس د خبرله مخې؛ نن په نړيوالوبازارونوکې يوانس سره زر  په ١٩٧٤ډالره وړاندې کېده  چې د پرون په پرتله د لسو ډالرو زياتوالي ښيي.
کارپوهان د دغه زياتوالي دليل د امريکا اوچين ترمنځ  په تاوتريخوالي پورې  اړوند بولي .
  ختم_ج _اکرم

Page 1 of 1054