30 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

تعلمی

 کابل / د لړم ٩ مه / باختر 
د وسله والو طالبانو بريدونه په کندز کې په شا وتمبول شول او د دې ډلې ٦ غړي  ووژل شول.
د کندز د امنيې قوماندانۍ وياند انعام الدين رحماني باختر آژانس ته وويل چې امنيتي او دفاعي منسوبینو د کندز ښار په کله ګاو کلي کې د سيمه ييزو پوليسو پر امنيتي پوستو د وسله والو طالبانو بريدونه په شا وتمبول.
رحماني زياته کړه: په جګړو کې ٦ وسله وال طالبان ووژل شول او ٢ نور یې ټپيان شول.
د کندز د امنيې قوماندانۍ وياند وويل چې په پېښو کې ٢ پوليسان برسېرن ټپيان شول.
وسله والو طالبانو تراوسه په دې اړه څه نه دي ويلي.
پاى \ ذ

 

کابل/ د لړم ۶مه/ باختر

د افغانستان د اسلامي جمهوریت جمهوررئیس محمد اشرف غني نن غرمه له ارګ څخه د زده کوونکو د علمي لیدنو په لړ کې په بلغاریا هیواد کې د ریاضیاتو په نړیواله سیالۍ کې د سرو زرو مډال ګټونکي محمد نوري او د برونز مډال ګټونکي احمد نوري ته مبارکي وویله او وې وستایل.

جمهوررئیس غني د دغو مډال ګټونکو زده کوونکو د بریا او لاسته راوړنو د قدردانۍ پرمهال هغوی ته د روښانه راتلونکي او لا ډېرو بریاوو هیله وکړه او وې ویل، تاسو د افغان ځوانانو او زده کوونکو ظرفیتونه او د نوي افغانستان واقعي انځور نړۍ ته وړاندې کړ.

جمهوررئیس وویل، که په هیواد کې روانه نامشروع جګړه ودرېږي، نو باور دی چې په امن فضا کې به زموږ د ځوانانو وړتیاوې لا ډېرې وځلېږي او هیواد ته به زیات مډالونه او ویاړونه راوړي.

محمد نوري او احمد نوري د جمهوررئیس له همېشنۍ پاملرنې او هڅونې څخه په مننې وویل، د زده کړو له بشپړولو وروسته یې هیواد ته لا ښه خدمت، بریاوې او ویاړونه ګټل اساسي موخه ده او دغه ملي ارمان ته د رسېدو لپاره شپه او ورځ په خپلو درسونو کې هلې ځلې کوي.

د یادونې وړ ده چې بلغاریا هیواد له ۲۰۱۳ کال راهیسې هرکال د افغانستان په ګډون د نړۍ د پنځو وچو د ځوانانو د ریاضیاتو بین المللي سیالۍ ترسره کوي، چې سږنۍ هغه یې د کرونا وبا له امله په انلاین ډول ترسره شوه.

 

٤٠- کابل / د لړم ۶ مه / باختر د قلعه وزیرد هلکانومنځنی ښوونځی چې د امنیتي ګواښونوله امله شل ورځې تړل شوی و، نن د زده کوونکوپرمخ یوځل بیا پرانيستل شو. د لوګرد پوهنې ریاست ویاند شاهپورعرب باخترآژانس ته وویل چې ناپېژاندووسله والو کسانود قلعه وزیر د هلکانوپه منځنی ښوونځی کې چاودېدونکي توکي ځای پرځای کړي وو او دغه ښوونځی د امنیتي ګواښونو له امله له شلو ورځورا په دې خوا د زده کوونکوپرمخ تړل شوی و. عرب زیاته کړه چې د دغو چاودېدونکوتوکو په چاودنه کې د دغه ښوونځی یوه برخه ویجاړه شوې ده. د سیمې اوسېدونکو د باخترآژانس سیمه ییزخبریال ته وویل چې دغه ښوونځی ته څېرمه د سیمه ییزو پولیسو امنیتي پوستې هم شته او باید سیمه يیزپولیس د دغه ښوونځی د امنیت په تامنیولوکې پاملرنه وکړي. عرب زیاته کړه چې د زده کوونکوکورنیود منځګړيتوبه له امله د ولایت مشرتابه او امنیتي منسوبینو یوځل بیا دغه ښوونځی د زده کوونکوپرمخ پرانيست. پای- ع

کابل / دلړم ٤مه /باختر
په جوزجان کې د جوګي خلکو ماشومانو ته  د زده کړې زمينې برابره شوه.
د باختراژانس د سيمه ييز خبريال د خبرله مخې؛ د جوزجان د پوهنې رياست، د پيروزي د هم يارى او ځواکمني کولو موسسه،  د مهاجرينود راستنولو د چارو رياست او د سواد اموزى رياست په جوزجان کې د جوګي خلکو شپيتو ماشومانوته درسي خونې جوړې کړې .
ويل کېږي اوس دغه ماشومان  په دوو ټايمونوکې په زده کړه بوخت دي.
د پيروزي د بنسټ مسوول سمير ملکيار وايي  چې د دغه ولايت جوګي خلک د لومړى ځل لپاره د تذکرې له اخستلو وروسته  د زده کړې  حق هم ترلاسه کړه.
هغه زياته کړه : د نجونواوهلکانوپه ګډون د جوګي خلکو نږدې سل تنه ماشومان چې په ښوونځيو کې د شموليت په شرايطو برابر دي شپيته تنه يې  جذب شول.
ويل کېږي د ترسره شوي سروې له مخې اوس په جوزجان کې پنځه شپيته جوګي کورنى ژوندکوي.
د جوزجان د پوهنې رييس  دغه اقدام د جوګي خلکو د غوښتنو د تحقق په لاره کې  يومهم ګام وباله .
ختم_ ج_اکرم

Page 1 of 354