04 August 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

واشنګتن / دزمري١٢مه/باختر:
د نړۍ د خوړو پروګرام اعلام کړى دى  چې د ٢٠٢٠ کال په پيل کې د افغانستان ١٢ مليونه وګړي د خوړو له نه خونديتوب سره مخامخ و . خو په دغه هېواد کې د کرونا ويروس  په خپرېدو سره په مليونونو نورافغانان  د لوږې له خطر سره مخامخ کړى دى.
په افغانستان کې د ملګروملتو سازمان  د نړۍ د خوړو د پروګرام دفتر د شنبې په ورځ د يوې خبرپاڼې په خپرولو سره ويلي دي،  په پام کې لري چې  له ٣ر١٠مليونوافغانانو سره  چې د خوړو خونديتوب نه لري  مرسته وکړي .
په افغانستان کې  د نړۍ د خوړو پروګرام مرستيال اوسرپرست  رابرت کسکا وويل  چې دوى  له کويد-١٩  څخه  د مصيبت ځپلو افغانانو سره  د مرستې لپاره  ٥٣مليونه ډالرو ته اړتيا لري.
داپه داسې حال کې ده چې د افغانستان لپاره د امريکا د پرمختيايي ادارې  د کرونا ويروس له امله  له  ٩٥ زرواغيزمن شويو کورنيو سره  د مرستې لپاره د نړۍ د خوړو له پروګرام سره  ١٢ مليونه ډالره مرسته کړې ده .
د نړۍ  د خوړو پروګرام په اعلاميه کې د امريکا د پرمختيايي ادارې رييس پيتر نتيلوله خولې ويل شوي دي  کويد-١٩د نړۍ په ګوټ ګوټ کې د هغوکورنيو ژوند ګډوډ کړى دى. چې ورځنى معاش يې درلود اويا هم کوچنى تجارتونه درلودل په تېره بيا هغه کسان چې په ښارونوکې ژوند کوي  چې د قرنطين په دليل  د خوړو د پيرودنې لپاره  د پيسو د ترلاسه کولو لپاره وخت نه لري.
داپه داسې حال کې ده  چې د افغانستان د اسلامي جمهوريت جمهور رييس محمد اشرف غني د ملي دسترخوان د پروګرام په پرانستلو کې ويلي دي  چې  اوس د هېواد په سلوکې نوي  وګړي د بې وزلى ترکرښې ( دوه ډالري ) کې دي .
په افغانستان کې په کويد -١٩ کسانوشمېر ٣٦٧١٠تنو ته اود مړو شويوکسانو شمېر ١٢٨٣ تنو ته رسيدلى دى . خو داپه داسې حال کې ده چې په دغه هېواد کې د مشکوکو سمپلونو د ازمايښت ظرفيت محدود دى .
  ختم _ ج _ اکرم

بيجينګ  / دزمري ١٠مه /باختر:
په بريټانيا کې د چين سفير ويلي دي  چې امريکا نوى سرې جګړې ته لمن وهي
او  د هغه په خبره  يو شمېر امريکايي سياستوال هلې ځلې کوي  چې له دې لارې په امريکا کې د نوامبر د درېمې نيټې د جمهوري رياست له انتخاباتو مخکې ځان ته ملاتړجلب کړي .
د امريکا جمهور رييس دونالد ترامپ تل چين د لويديځ اصلي سيال بللى دى
اود چين په جمهور رييس شي جينګ پينګ  له سوداګرى څخه د ناوړې استفادې اود کروناويروس د خپرېدو په  باب د حقيقت د پټولو تورلګولى دى
په لندن کې  د چينس فير  ليوشيامينګ وويل چې امريکا له موږ سره  تجارتي جګړه پيل کړې ده . اوداسې جګړه به ګټوونکي ونه لري
شيامينګ  وويل  دا چين نه دى بلکې  دې خوا ته ارام سمندر دى.چې غواړي  د چين پرخلاف سره جګړه پيل کړي .
له همدې امله  موږ بايد ځواب ورکړو موږ هيڅ راز سړې جګړې سره  علاقمندي نه لرو .او کومې جګړې سره هم علاقمند نه يو.
دغه چيني ډيپلومات پرته له دې چې د امريکا د جمهوري رياست په انتخاباتود کوم نوماند نوم واخلي وويل  چې يوشمېرسياستوال په انتخاباتو کې د بريالي کېدو په خاطر  له هيڅ څيز څخه  ډډه نه کوي .
ليود دغې پوښتنې په حواب کې  چې  د بيجينګ او واشنګتن اړيکې دومره خرابه شوې دي  چې نور ترميم نه شي ، وويل  زه فکر نه کوم چې اړيکې دې حد ته رسيدلي دي  چې ترميم نه شي .
داپه داسې حال کې ده   چې دامريکا د بهرنيو چارو وزير مايک پمپو د روانې مياشتې په لومړيو کې ويلي و ،  امريکا غواړي  چې له چين سره دمقابلې لپاره  نړيوال ائتلاف جوړ کړي .
هغه په بيجنګ د کروناويروس له خپرېدو څخه د ناوړې ګټې اخستنې تور ولګاوه .  ختم_ ج+_اکرم

کابل / د چنګاښ ٢٠ مه / باختر
د امريکا يو لوړرتبه پوځي مقام روسيې ته خبردارى ورکړى دى: که چېرې د امريکايي عسکرو د وژلو لپاره افغان طالبانو ته د پيسو د ورکړې په اړه رپوټونه تاييد شي؛ امريکا به ځواب ورکړي.
باختر آژانس د نړيوالو خبري سرچينو له خولې خبر راکړ؛ د امريکا لوى درستيز  ويلي دي: که چېرې په افغانستان کې د امريکايي عسکرو د وژلو لپاره طالبانو ته د روسيې له خوا د پيسو د ورکړې په اړه رپوټونه تاييد شي؛ امريکا به ځواب ورکړي.
د امريکا لوى درستيز جنرال مارک ميلي ويلي دي: دغه اطلاعات تراوسه د دفاعي  استخباراتو سازمانونو له خوا نه دي تاييد شوي، خو هغه ژمنه وکړه: که چېرې  واقعيت ولري؛ امريکا به اقدام وکړي.
لوى درستيز جنرال مارک ميلي او د امريکا دفاع وزير، د امريکا د کانګرس په استماعيه غونډه کې د هغو رپوټونو په اړه چې په کې ادعا شوې ده، روسيې په افغانستان کې د امريکاييانو د وژلو لپاره جګړه مارو طالبانو ته انعام ورکړى دى؛ تر پوښتنې لاندې ونيول شول.
نيويارک ټايمز ورځپاڼې تېره مياشت په دې اړه چې روسيې د امريکايي او نړيوال ائتلاف د نورو غړو هېوادونو د عسکرو د وژلو لپاره طالبانو ته پيسې ورکړې دي؛  دوه رپوټونه خپاره کړل چې په امريکا او له امريکا څخه بهر يې غبرګونونه راوپارول.
ختم - ج - اکرم

بغداد / دچنګاښ ١٥مه / باختر :
عراقي خبرځايونو نن خبر  ورکړ، چې د بغداد په شنه امنيتي سيمه کې  د امريکا پرسفارت راکټي بريد وشو .
  د عراق  ټلويزيوني شبکې دجلې خبرورکړ،  چې د پاتريوت راکټي سيستم هم  د دغو توغنديو په بشپړ شنډولو کې  سم عمل نه دى کړى اودغه  توغندى  د بغداد شنې سيمې ته څېرمه  ولګېد .
دا په داسې حال کې ده چې په سيمه کې د امريکا  يوشمېر پلوي رسنيو ادعاوکړه  چې د پاتريوت سيستم  د دغو توغنديو په شنډولو کې  ښه عمل کړى دى .
د بغداد په شنه سيمه کې د امريکا سفارت ته څېرمه  د توغنديو لګېدل په داسې حال کې رامنځته کېږي  چې امريکايي ځواکونو پرون  د پاتريوت  د  راکټي دفاع  نوى سيستم  په دغه سيمه کې ازمايښت کړ .
د غبرګولې په ٢٩ نيټه هم د بغداد  د مرکز په شنه سيمه کې  د امريکا سفارت ته څېرمه څلور توغندي لګيدلي و .
  ختم _ج _ اکرم

Page 1 of 738