30 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

 نړيوالې خبري سرچينې/ د لړم ٩ مه / باختر 
د امریکا په متحده ایالتونو کې د ۲۴ ساعتونو په لړ کې په کرونا ویروس د (۹۱۰۰۰) کسانو د اخته کېدو بې‌ ساری شمېر ثبت شو.
د جانز هاپکنز پوهنتون د شمېرنو له مخې؛ په امریکا کې پرون په کرونا ویروس د اخته کسانو شمېر ۸ میلیونو او ۹۰۰ زرو ته ورسېد او په دغه ویروس د مړو شمېر تر ۲۲۸ زرو اوښتی دی.
د امریکا د براون پوهنتون د عامې روغتیا مشر ډاکټر اشیش جها رویټرز خبري آژانس ته وویل: اوس په امریکا کې وضعیت ډېر خراب دی.
د اروپا په ګڼو هېوادونو کې د کرونا ویروس بیا خپرېدو د دې لویې وچې ګڼ هېوادونه   د محدودیتونو سختولو ته اړ کړي دي.
په وروستیو کې فرانسې رستورانتونه او ځینې نور غیرحیاتي کار و بارونه بند کړي، اخوا په آلمان کې هم د نوامبر له دوېیمې دې ته وَرته محدودیتونه لګول کېږي.
پاى \ ذ

- رياض / وي او اې / د لړم ٩ مه / باختر 
د سعودي عربستان حکومت د کروناویروس د مخنیوي لپاره لګول شوي محدودیتونه لرې کړل او اوس د نورو هېوادونو زیارت کوونکي کولای شي د عمرې لپاره دغه هېواد ته لاړ شي.
د سعودي عربستان رسنیو پرون رپوټ ورکړ چې د دغه هېواد حکومت مکې ته د عمرې لپاره د نورو هېوادونو د مسلمانانو پر سفر محدودیتونه د نوامبر له لومړۍ نه لرې کوي.
د عربستان دولتي ټلویزیون د یاد هېواد د حج او اوقافو وزارت د یو بیان پر بنسټ وویل: "د ټولې نړۍ مسلمانانو ته د عمرې سفر اجازه ورکول کېږي. 
له دې وړاندې د سعودي حکومت د اکټوبر په ۴مه اعلام کړی و چې هره ورځ ٦زره سعودي زیارت کوونکي کولای شي د عمرې مراسم ترسره کړي؛ خو هر زیارت کوونکی باید د عمرې مراسم په  درېیو ساعتونو کې پای ته ورسوي.
د کروناویروس د مخنیوي په خاطر د مکې جومات (مسجد الحرام) د ورځې څو ځلې مینځل کېږي. خو بیا هم د عربستان حکومت زیارت کوونکو ته یو اپلېکشن جوړ کړی چې له هغه څخه په استفادې په آنلاین ډول د عمرې کولو ورځ او وخت، د ترانسپورت ډول او خپل نور فعالیتونه درج کولی شي. دغه اپلېکشن داخلي زیارت کوونکو ته جوړ شوی و او معلومه نه ده چې د نورو هېوادونو اتباع به یې هم وکاروي او که نه؟    سعودي مقاماتو د یاد اپلېکشن د کارولو موخه د ګڼې ګوڼې مخنیوی ګڼلی دی. 
د کروناویروس د خپرېدو په دلیل سږکال میلیونو مسلمانانو ونشو کړای چې د عمرې ترڅنګ د حج مراسم ترسره کړي. یوازې شاوخوا زرو تنو سعوديانو سږکال د حج مراسم ترسره کړل.
د امریکا د جانس هاپکینز پوهنتون د شمېرنو له مخې؛ تر پرون پورې په سعودي عربستان کې نږدې ۳۴۶ زره ۵۰۰ تنه په کرونا ویروس اخته شوي او ۵ زرو ۳۶۳ تنه له دې وجې مړه شوي دي.
پاى \ ذ

نړيوالې خبري سرچینې / د لړم لومړۍ / باختر
د ناټوعمومي منشي له طالبانو وغوښتل چې افغانستان کې تاوتریخوالی د پام وړ             کچې ته راټیټ کړي.
ینس سټولټنبرګ پرون په بروکسل کې د ناټو د دفاع وزیرانو د غونډې په درشل کې وویل،: طالبان باید د دوو لسیزو لاسته راوړنو ته درناوی وکړي.
ښاغلی سټولټنبرګ زیاتوي: طالبان باید په خپلو ژمنو عمل  وکړي، دوی دې د تاوتریخوالي کچه په پراخه توګه کمه کړي او اوربند ته دې لاره هواره کړي، باید       له القاعده شبکې او نورو ترهګرو ډلو سره اړیکې پرې او ښې روحیې سره خبرو ته کښېني.
سټولټنبرګ وویل: ناټو د افغانستان اوږدمهاله امنیت ته ژمن دی او په همدې خاطر دغه سازمان تر ۲۰۲۴ کال پورې افغان ځواکونو سره مالي مرسته کوي.
د ناټو عمومي منشي دغه غوښتنه داسې مهال کوي چې په افغانستان کې د سولې له خبرو سره سره د طالبانو جګړې روانې دي
پاى \ ذ

نړيوالې خبري سرچينې / د تلې٢٧مه / باختر
د پاکستان په شمالي سیمه ګلګت بلتستان کې د ځمکې ښویېدنې په پېښه کې یو موټر تر خټو او خاورو لاندې شوی او لږ تر لږه ۱۰ کسان پکې مړه شوي دي.
په دغه میني بس موټر کې ۱۵ کسان نن له راولپنډۍ څخه سکادو سیمې ته روان وو،  چې د اسلام اباد د شمال په ۲۴۰ کیلومترۍ کې پرته ده.
د پولیسو یوه چارواکي وکیل خان وویل: د ژغورونکو کارکوونکي او سيمه ييز رضاکاران د ژوندي پاتې شویو کسانو د موندلو لپاره د خاورو او خټو په لرې      کولو بوخت دي.
پاى \ ذ

Page 1 of 742