22 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

اخبار جهان

واشنګټن/ د امريکاغږ/ د وږي٢٤مه 
سپینې ماڼۍ اعلام کړی دی چې د القاعده شبکې د بنسټ ایښوونکي اسامه بن لادن زوی د امریکایي ځواکونو په عملیاتو کې د افغانستان او پاکستان په سرحدي سیموکې وژل شوی دی.  
د سپینې ماڼۍ په اعلامیه کې راغلي دي: د حمزه بن لادن له منځه تلل نه یوازې د القاعده شبکې د رهبرۍ او د هغه له پلار سره د سمبولیکې رابطې له مهارتونو نه محروموي، بلکې د القاعده شبکې مهم سازماني فعالیتونه هم څرګندوي.   
امریکا د اسامه بن لادن زوی "د القاعده لوړ پوړی غړی"، د پروګرامونو او د بېلابېلو تروریستي ډلو د فعالیتونو د تنظیم مسوول" معرفي کړی دی. 
د اسامه بن لادن د زوی د وژل کیدو خبر شاوخوا دوه میاشتې مخکې یو شمېر رسنیو خپور کړی و، خو تر اوسه امریکایي مقاماتو هغه نه و تائید کړی. 
د رپوټونو له مخې: حمزه بن لادن د مړینې په وخت کې ٣٠ کلن و.    
د هغه پلار په ١٩٩٦ م کې د امریکا پر ضد جگړه اعلان کړه او په ٢٠٠١ م کال کې یې پر امریکا باندې د سپټمبر د ١١مې بریدونه طرحه کړل چې شاوخوا ٣٠٠٠ کسان په کې ووژل شول.   
بن لادن په پاى کې په ٢٠١١ م کې د پاکستان په ایبټ آباد کې د امریکایي پوځیانو په ځانگړو عملیاتو کې ووژل شو.  
د هغو لیکونو پر اساس چې په پاکستان کې د اسامه بن لادن په کورکې موندل شوي؛ د هغه زوی حمزه په کوچنیتوب کې ټاکل شوی و چې یوه ورځ د القاعده شبکې د سازمان مشري په غاړه واخلي.  
امریکا د ٢٠١٧ کال د جنورۍ په میاشت کې حمزه د ترهگرۍ په ځانگړي لست کې شامل کړی و. 
پاى \ ذ

-واشنګتن  باختر د وږي ٢٢مه :
دامريکا داستازو دمجلس  يوه جکپوړي غړي  آدم  شف په امريکايانو دبريد په باب دطالبآنو  داعلاميې  په غبرګون کې ويلي دي  چې (  طالبانو هم دسردروند زيان درلود او دامريکا  دبهرنيو چارو دوزير مايک پمپيو دڅرګندونوله مخې ، په تېرو لسو ورځو کې څو زره  طالبان وژل شوي دي .
شف  دامريکا غږ سره  په اختصاصي مرکه کې  زياته کړه  چې جګړه  دحل لاره نه ده  او اوربند يې  دطالبانو په گټه وباله .  ځکه  دهغه په خبره سوله له افغانستان څخه دبهرنيو عسکرو دوتلو لپاره يواځنۍ لاره ده  .
دغه امريکايي قانون جوړونکى ،  دافغانستان دحکومت او دطالبانو دډلې ترمنځ خبرې  اړينې بللي دي . او ويلي يي دي   ډاډمن نه يم چې له دواړو  لورو څخه  دتاوتريخوالي  زياتوالي  دسولې خبرو ته  دستنيدو ډيره  ښه لاره وي  )
  آدم شف  ددغې پوښتنې په ځواب کې  چې آيا  جمهور رييس ترامپ به  اضافي سرتيري   افغانستان ته واستوي اوکه څنګه ؟  ويلي دي  په دې باب چې  جمهور رييس ترامپ څه غواړي ؟  نه پوهيږم . هغه  دلوري دبدلون  سابقه لري  ، داټکل وړ نه دى ، 
شف ويلي دي  سره له دې چې  دطالبانو پرخلاف  دپاکستان  له اقداماتو څخه  خوښ نه دى  ، خو دافغانستان دسولې په بهير کې يې  دپاکستان په ګډون  دګاونډيو هېوادونو رول ارزښتناک بللى دى .
  ختم- ف _ اکرم

نوى ډيلي  باختر د وږي ٢٢مه :
هندي مقاماتو په تېره يوه مياشت کې  ٣٨٠٠ تنه  دهند ترادارې لاندې کشمير کې  نيولي دي .
درويترز خبري اژانس دخپلو  سندونو له مخې ، خبرورکړى دى چې له نيول شويو کسانو څخه  ٢٦٠٠ تنه  بيرته خوشي شوي دي .
ددوو پخوانيو  ايالتي  اعلي وزيرانو په ګډون  څه دپاسه ٢٠٠سياستوال او کابو سل تنه  سيمه ييز مشران او فعالان چې دکشمير له بيلتون غوښتونکوسياسي ډلو سره يې اړيکې لرلې  ،  په نيول شويو کسانوکې دي .
  درويترز خبري اژانس  دهند دپوليسو  ديو ه مقام له خولې  خبرورکړى دى  چې له نيول شويو کسانو څخه  ٨٥ تنه دتېرې يکشنبې په ورځ دهند په شمال کې  اګره  جيل ته  ولېږدول شول .
دبشر دحقوقو مدافعو ډلو په کشمير کې وروستي نيونې دهيلو پرخلاف او له اندېښنو  ډکې بللي دي او ويلي يې دي  چې ددغه بهير  دوام به  په کشمير کې  دحالاتو دخړپړتيا  سبب شي .
دهند دکورنيو چارو وزير او هم  دهند ترادارې لاندې کشمير کې  دپوليسو مقاماتو  ددغو نيونو دانګيزې په باب  دجزيياتو له وړاندې کولو څخه ډډه  کړې ده .
دغه اقدام له هغه وروسته وشوه  چې هند تېره مياشت  هغه ځانګړي  امتيازونو  چې کشمير ته يې  ورکړي و ،  لغوه کړل . 
دهند دغه اقدام  دپاکستاني مقاماتو سخت غبرګون دځان پسې درلود .
هندي مقاماتو ويلي دي  چې دغه نيونې  ضروري دي . ځکه له دې لارې کولاى شي  نظم  وساتو اودتاوتريخوالي مخه ونيسو اوپه پاى کې  دنااراميو  په پايله کې  دسر زيان کم کړو .
ختم_ ف _ اکرم

واشنګټن/ امريکا غږ/باختر/ د وږي ٢١مه
د امريکا د متحده ايالاتو جمهوررييس دونالد ترامپ ويلي دي چې د طالبانو ځپنه به چې د هغه په خبره په وروستيو ورځوکې په بېساري ډول زور اخيستى دى؛ د پخوا په شان دوام ومومي.
ترامپ چې د امريکا په دفاع وزارت کې د سپټمبر د يوولسمې د بريدونو د اتلسمې  کاليزې د يادونې په مراسموکې خبرې کولې؛ يو ځل بيا ټينګار وکړ چې په تېرو څلور ورځوکې پر طالبانو په وروستيو کلونوکې له بل هر وخت څخه زيات بريدونه شوي دي .
ترامپ له طالبانو سره د سولې خبرې چې د تېرو نهو مياشتو په بهيرکې دوام درلود؛ په وروستيوکې د کابل په ځانمرګي بريدکې د يوه امريکايي سرتېري له وژل کېدو وروسته فسخه کړې.
ترامپ وويل: هغوى ( طالبانو ) تصور وکړ چې د دغه بريد په ترسره کولو سره خپل قوت ښيي؛ خو هغه څه يې چې وښودل د هغوى کمزورتيا وه.
د امريکا جمهوررييس دغه راز خبردراى ورکړ: که چېرې طالبان بيا پر امريکا د بريد نيت ولري؛ په داسې قوت سره به پرې بريد وشي چې سارى يې هېڅکله نه وي ليدلى.
هغه وويل: که چېرې په هر دليل هغوى (طالبان) بيا زموږ هېواد ته راشي؛ موږ به په هرځاى کې چې وي؛ د هغوى په لټه کې شو او له هرقدرت څخه به ګټه واخلو چې هېڅکله به يې سارى نه وي ليدلى او زه آن له اتومي ځواک څخه هم خبرې نه کوم.
له دې سره جوخت د طالبانو ډله له امريکايي مقاماتو څخه د سولې د خبرو د فسخه کولو لپاره د امريکا د انګيزو په اړوند د وضاحت غوښتنه کوي.
په قطرکې د طالبانو د سياسي دفتر وياند سهيل شاهين ويلي دي چې دغې ډلې په رسمي ډول له امريکا څخه غوښتي دي چې د دغو خبرو د لغو کېدو په اړوند وضاحت ورکړي.
ختم- شکريه -اکرم

Page 1 of 730