22 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

سیاسی

کابل/ د وږي ۳۱ مه / باختر
د افغانستان جمهوررییس او ولسمشرۍ ته نوماند محمد اشرف غني وايي چې دا ځل به پکتیکا ته ځانګړې پاملرنه کېږي.
د هېواد په کچه د ولسمشرۍ لپاره د ټاکنیزو غونډو په لړ کې د دولت جوړوونکي ټیم د کمپاین کوونکو له لوري په پکتیکا کې یوه ستره غونډه جوړه شوه چې زرګونو پلویانو یې پکې برخه اخیستې وه.
د باختر آژانس د سیمه ییز خبریال د خبر له مخې:
محمد اشرف غني د ټلیفون له لارې د غونډې برخوالو ته وویل چې د ولسمشرۍ په تېره دوره کې یې له پکتیکاوالو سره ځکه کړې ژمنې پوره نه کړای شوې، چې ځینو خلکو یې د فعالیتونو مخه نیوله.
هغه زیاته کړه چې له بریا وروسته به دا ځل د پکتیکا خلکو ته خاصه پاملرنه کوي.
غني زیاته کړه چې د پکتیکا د سرحدي سیمو خلکو د هېواد له خاورې او له ملي مسایلو د سر په بدله ساتنه کړې او قربانۍ یې د قدر وړ دي.
د دولت جوړوونکي ټيم مشر وویل چې د پکتیکا مساحت پراخ دی او پکار ده چې یا په دوو ولایتونو ووېشل شي او یا یې هم ولسوالۍ زیاتې شي.
هغه د برېښنايي تذکرو پر وېش هم خبرې وکړې او ویې ویل چې په دغه ولایت کې به د برېښنايي تذکرو وېش هم پیلېږي.
غني زیاته کړه چې د پکتیکا پر کرنې، بندونو او سړکونو به هم پانګونه وکړي او غم به یې وخوړل شي.
جمهوررییس وویل چې په دغه ولایت کې د تېلو او ګازو سترې زېرمې شته چې په راتلونکي کې به پرې کار وشي چې د ټول هېواد په اقتصاد کې ښه رول ولوبوي.

په ورته وخت کې د پکتیکا خلکو ولسمشرۍ ته نوماند محمد اشرف غني ته ژمنه ورکړه چې په ټول توان به هڅه کوي چې د جمهوري ریاست په انتخاباتوکې برخه واخلي او غني تر ارګ ورسوي.
دوی له اشرف غني غوښتنه وکړه چې له بریالي کېدو وروسته سمدستي په هېواد کې د جګړې د پای په موخه بیا ځلې له سره د سولې راتلو لپاره لاس په کار شي.
د دولت جوړوونکي انتخاباتي ټيم مسوول عمر داوودزي وویل چې سوله د دوی د ټیم له لومړیتوبونو څخه ده.
د داوودزي په خبره: دا ځل به د تېر په خلاف د ولسمشر له لوري له ولس سره کړې ژمنې جدي څارل کېږي او عملي کېږي به.
د یادونې وړ ده چې د دولت جوړوونکي ټیم له لوري په غونډه کې خلکو بې ساری ګډون کړی و او ټاکل شوې ده په نږدې راتلونکو ورځو کې د غني یو قوي سیال عبدالله عبدالله هم غونډه وکړي.
پای/وصال

کابل/ د وږي ۳۰ مه /باختر
د افغانستان د اسلامي جمهوریت جمهور ريیس محمد اشرف غني نن له غرمې مخکې په چهار چنار ماڼۍ کې د هېواد په کچه د عالمانو او دیني مدرسو د موجوده ستونزو او حللارو د کلنۍ ارزونې غونډه کې ګډون او وینا وکړه.
دجمهوررييس دوياند دفترباخترآژانس ته خبرورکړ.
په پیل کې مولوي فرمان الله نیازي له جمهورريیس څخه عالمانو ته د پاملرنې له امله مننه وکړه او په تېرو پنځو کلونو کې یې په بېلابېلو برخو کې د جمهورريیس د کوښښونو او لاسته راوړنو قدرداني وکړه. هغه زیاته کړه، عالمانو چې د هېواد د سوکالۍ، ابادۍ او پرمختګ لپاره ډېرې قربانۍ ورکړي، باید د دوی ستونزو ته لا ډېره پاملرنه او رسیدګي وشي.
د دیني چارو ريیس مولوي رحمت الله اندړ د عالمانو د رسمي اسنادو ستونزې ته په اشارې چې د عالمانو د تحصیل، کار او پرمختګ پر وړاندې یې خنډونه ایجاد کړي دي وویل، د عالمانو د اسنادو او غیر رسمي مدرسو د ارزونې او د واحد نصاب د جوړولو لپاره دې د عالمانو بورډ جوړ شي.
همدارنګه نوموړي د عالمانو او حکومت ترمنځ د واټن او بې باورۍ فضا د لا راکمولو  او د عالمانو د مصئونیت په خاطر د عالمانو اړوند مسایلو او دوسیو د څېړلو لپاره د عالمانوکمېټې د جوړولو وړاندیز له جمهورريیس سره شریک کړ.
جمهورريیس غني د هېواد له بېلابېلو ولایتونو څخه راغلیو عالمانو، مدرسنیو او خطیبانو ته د ښه راغلاست پرمهال وویل: علمای کرام زموږ په ټولنه کې ځانګړی رول او حیثیت لري او د دوی درناوی او ستونزو ته رسیدګي حتمي ده. هغه زیاته کړه: په تېرو پنځو کلونو کې د ارګ او منبر تر منځ واټن کم شوی او د لیرې کولو لپاره یې هڅې ادامه لري.
جمهورريیس د عالمانو د اسنادو او مصئونیت په اړه د عالمانو د بورد او کمېټې جوړولو وړاندیزونه معقول وبلل او علمای کرامو ته یې په دې برخه کې د اقداماتو ډاډ ورکړ.  هغه زیاته کړه: د هېواد په بېلابېلو ولایتونو کې د تاریخي جوماتونو د بیا رغاونې په ګډون سلګونه جوماتونه جوړ شوي او لا هم په هره ولسوالۍ کې د جامع جوماتونو د جوړولو لپاره دېرش میلیونه ډالره ځانګړي شوې دي.
د هېواد جمهورريیس څرګنده کړه، زموږ علمای کرامو د تاریخ په هر پړاوو کې اساسي رول لرلی او موږ باید د خپلو عالمانو تاریخي رول او کوښښونه درک کړو. هغه زیاته کړه، د عالمانو د هر اړخیز مصئونیت ترڅنګ د مدرسو راتلونکی باید د عالمانو په سلا او لید انسجام ومومي. پاى- ع

کابل /دوږي ٣٠مه / باختر
دسترې محکمې عالي شورا نن دقاضي القضات اودسترې محکمې درييس قانونپوه سيد يوسف حليم په مشرۍ غونډه وکړه .
دسترې محکمې دخپرونو رياست باختراژانس ته خبرورکړ. شورالومړى دجزا دکود دتوضيحي او تطبيقي  ننګونودپېژندنې عالي سيمينار جوړول چې دقاضيانو،دعدليې وزارت  دقانون جوړوني او علمي څيړنو انستيتوت د مسلکي غړو ، څارنوالانو ، مدافعو وکيلانو او دکشف دادارو داستازو په ګډون ددرېو ورځو دمودې لپاره دسترې محکمې  په مقر کې جوړ شو او دهغه په ترڅ کې  دجزا دکود په راتلونکي تقنيني بهير کې دتعديل ، تزيد ، تصحيح اواصلاح په موخه دننګونو او ستونزو په ګډون  ٢٣٧ موارده وپېژندل شول اودهغو دلازياتې بډاينې په خاطر لازمه طرحه وړانديز شوه ، مثبت وارزول شول  او دسترې محکمې دتدقيق او مطالعاتو لوى رياست ته يې لارښوونه وکړه چې دسيمينار دکار پايلې دې دراتلونکو قانوني پړاونو دتېرولو په غرض چمتو کړي .
وروسته دافغانستان داسلامي جمهوريت دلوى څارنوالي دادارې دغوښتنې پربنسټ  دفسق او فجور ، وژنې ، تزوير اودرغلۍ ، دنشه يي توکو دقاچاقو ، تښتونې ، دمحاربې له صحنې څخه دتېښتې او په زنا سبب دتښتونې دقضيو په برخه کې  ددرې ګونو محکمو په پريکړو دجزايي محکومينو دبيا کتنې دولس غوښتن ليکونه  دلوى څاروالۍ دقضايي تعقيب دمرستيال څارنپوه  غلام حيدر علامه ، اړوندو څارنوالانو ، دمحکومينو دخپلوانو او ديوشمېر وکيلانو په شتون  تر غور او څيړنې لاندې ونيول شول او له طرحه شويو غوښتنو څخه دهر يوې په وړاندې  دجزايي اجرااتودقانون د ٢٨٢ مادې په حکم کې  له درج شويو شرطونو سره په مطابقت  کې لازم قانوني تصميمونه ونيول شول .
  شورا دغه راز دقضايه قوې دتشکيل او واک دقانون دحکمونو پربنسټ دافغانستان داسلامي جمهوريت دقضايه قوې دقاضيانو درسمي جامو دټاکنې دمقررې غور وکړ او دبياکتنې په مقصد يې دتدقيق اومطالعاتو لوى رياست ته لارښوونه وکړه .
ختم_عطاالله _ اکرم


 

کابل / باختر / د وږي٢٩مه :                                                                          د افغانستان د اسلامي جمهوری جمهوررييس محمد اشرف غني پرون ماښام له خیبر پښتونخوا، کوټې او بهرنیو هیوادونو څخه افغان امن نړیوال کنفرانس ته راغلو پوهانو او سیاستوالو سره په دلګشا ماڼۍ کې وکتل.
د جمهور رييس د وياند دفتر باخترآژانس ته خبر ورکړ :  په پیل کې عطاالله خان حیران او له خیبر پښتونخوا څخه راغلي د نیشنل عوامي ګوند مشر اسفندیار ولي خان جمهور ريیس غني ته د امن نړیوال دوه ورځني کنفرانس او د یاد کنفرانس په بېلابېلو کمېټو کې د جګړې د لاملونو، د هغه د له منځه وړلو او د سولې د تامین په اړه د شویو بحثونو په هکله معلومات ورکړل.
اسفندیار ولي خان  په  ټينګار سره  وویل، د سولې مذاکرات  باید  د افغان دولت په مالکیت ترسره شي.                                                                                                نوموړي د سولې په برخه کې د جمهور ريیس د هلو ځلو قدرداني وکړه.
جمهور ريیس غني دغو مېلمنو ته د ښه راغلاست پرمهال وویل،  جګړه حدود نه لري، ځکه چې تحمیلي جګړې د ډیورنډ دواړوغاړو ته ولسونه متضرر اود ښځو اوماشومانو  په ګډون مشران قرباني شوي او لا هم هره ورځ قرباني کېږو.
جمهور ريیس زیاته کړه، روانه جګړه  د ثبات، هوساینې او انکشاف اصلي  مانع ده ،  نو د ‌‌‌‌‌‌ډيورن‌‌‌‌‌‌ډ کرښې دواړو غاړو ته پراته ولسونه او خلک باید د باعزته او تلپاتې سولې لپاره دغې جګړې او بحران ته د پای ټکی کېږدي.
د هیواد جمهور ريیس وویل، اسلام اباد ته په وروستي سفر کې یې پاکستاني مقاماتو ته ویلي که پاکستان غواړي چې له فقر، د انرژۍ له کمبود او نورو ناخوالو څخه ځانونه وژغوري، نو باید  افغانستان ته د دوستۍ صادقانه لاس ورکړي او  په دې برخه کې خپلې ژمنې په عمل  بدلې کړي.
جمهور ريیس وویل، د ډیورنډ کرښې هغه غاړه د پښتنو لیکوالو، پوهانو او څېړونکو اثار به په افغانستان کې چاپ او خلکو ته د ګټه اخیستنې لپاره په واک کې ورکړل شي. هغه  زیاته کړه ، زموږ د  ورورۍ غېږ تل پرانیستې او د  اوسنیو ستونزو  د حل لپاره باید موږ او تاسو په  ګډه لاس  پکار شو،  ځکه سوله  زموږ  ټولو  مهمه  غوښتنه  او لومړیتوب دی.
پاى  \  ذ

 

Page 1 of 2142