25 May 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

 کابل / د غبرګولي ۴ مه / باختر
د نېکمرغه کوچني اختر په مناسبت د افغانستان عظیم ولس ته د جمهوررییس محمداشرف غني د وینا متن
۱۳۹۹ کال د غبرګولي ۴
بسم الله الرحمن الرحیم
         د افغانستان ستر ملت او د نړۍ ټولو مسلمانانو ته د کوچني اختر مبارکي وایم
         اختر مو مبارک شه
        عید همه تان مبارک
         هیتینگیز قوتلوق بولسین
د روژې په مبارکه میاشت کې مو د خدای تعالی په دربار کې ټولې دعاګانې او عبادات قبول شه.
له بده مرغه سږکال روژه او کوچنی اختر په داسې حال کې و، چې د کرونا وبا ټوله نړۍ او زموږ ولس سخت متاثر کړي او له دې نظره چې حالت خطرناک و له جناب ډاکټر صاحب او ټولو نورو مشرانو.   مننه چې تشریف یې راوړ.
موږ به همېشه د اختر په ورځ د ولس کوربانه وو، نن مجبور یوو چې تعداد محدود کړو، دا ځکه چې هم شرعي حکم دی چې د وبا په حالت کې باید ټول تدابیر ونیسي او هم زموږ د روغتیا وزارت سخته لارښوونه کړې چې موږ باید شرایط اول په ځان تطبیق کړو او تاسو لیدلي دي چې ټول مشران دلته هغه فاصله رعایت کوي او غوښتنه مې داده چې ټول د افغانستان ولس د روغتیا وزارت او د نړیوالو توصیو په اساس مراسم کوچني ونیسي او د یو بل له لیدلو چې ضرور نه وي ډډه وکړي. د علمای کرامو اجماع ده، هغه خلک چې ځانونه د کرونا په مرض کې له لاسه ورکوي د شهیدانو درجه لري.
از درگاه ایزد متعال به همه بیماران شفای عاجل و برای شهدا بهشت برین استدعا دارم. از تمام کارمندان وزارت صحت عامه و سکتور خصوصی، تمام دوکتوران، نرس ها و کارکنان صحت عامه و سکتور خصوصی ما از صمیم قلب تشکر میکنم. سلامتی تمام کارکنان صحی را که در خط مقدم مبارزه قراردارند خواهانیم.
به اساس فیصله‌ی  کابینه امتیازات خاصی برای همه اینها در نظر گرفته شده و تطبیق میشود.
هموطنان عزیز!
امروز افتخار داریم؛ که صف جمهوریت صف واحد است، خاصتا از جناب داکتر صاحب عبدالله برادر عزیزم که ریاست شورای عالی مصالحه را به عهده گرفته ابراز امتنان میکنم، بار عظیم است، هر چه به هم شانه بدهیم بار انشاالله و تعالی سبکتر خواهد شد.
زه یو ځل بیا د طالبانو له خوا د اوربند د اعلان هرکلی کوم او بېګا شپه مې ټولو امنیتي او دفاعي ځواکونو ته امر کړی چې اوربند بشپړ مراعت کړي او یوازې دفاعي حالت غوره کړي. بیا یې  تکراروم، زموږ ټوله امنیتي او دفاعي قوه به اوربند مراعتوي او هیله مند یوو چې دا اختر لکه د دوه کالو تېر اختر غوندې ولس ته د خوشالۍ او سوکالۍ ورځې وي.
بحیث یک دولت مسئول میخواهیم یک قدم دیگر نیز برداریم؛ اعلان میکنم که در رهایی زندانیان طالبان حرکت سریع خواهد امد و اقدامات جدی صورت خواهد گرفت. در عین حالل سر طالبان صدا میکنم؛ که زندانیان قوای امنیتی و دفاعی ما که نزد انها موجود استند، بزودی ممکنه رها سازند.
یک نقطه وضاحت کار دارد. بعض حلقات به طالبان  این فهم را داده اند که  آتش بس موجب تضعیف آنان میشود و اگر آتش بس را برای مدت طولانی رعایت کنند، وزن سیاسی خود را از دست خواهد داد. من میخواهیم واضح بسازم؛ طالبان یک واقعیت جامعه افغانستان استند. جای که این وزن تثبیت میشود، میز مذاکرات است نه در میدان جنگ و ضرور است، بفهمیم که اعلان آتش بس که  دولت جمهوری اسلامی افغانستان با برادر و همکارم داکتر صاحب عبدالله از سالهای متمادی موقف ما بوده نشانه‌ای  قوت است، نه نشانه ای ضعف.
برنده‌ی صلح ملت عظیم افغانستان است. جنگ بجز بدبختی و بیچاره گی خاصتا برای زنان افغان چیزی دیگر بار نمی اورد. زنان افغان امروز در صف اول اجماع سیاسی در باره صلح قرار دارند؛ مثلیکه تمام سیاسیون افغانستان را فضل خداوند دراینجا میبیند، ایشان و تمام مردم افغانستان.
صلح یک خواست ملی ما است و باید بدانیم که موافقتنامه صلح به افراد و گروه ها نه بلکه به مردم افغانستان تعلق دارد و فیصله نهایی را راجع به تائید موافقتنامه صلح  ملت افغانستان خواهد کرد. از طالبان خواهشی دارم که ملت افغانستان را صدمه نزنند. هر کسی که مجروح ویا شهید میشود یک داغ دیگر جبران ناشدنی است و از نگاه شرعی تمام علمای کرام ما به این نتیجه رسیده اند که امروز جنگ مشروعیت ندارد. ازاین جهت راه حل اساسی شروع کردن مذاکرات صلح است و دراین باره هیئت مذاکره افغانستان حاضر است که فورا مذاکرات را شروع کند. هیئت یک هیئت همه شمول افغانستان است، تمام افغانها دران حضور دارند و این هیئت از ملت و دولت افغانستان نمایندگی خواهد کرد.
اساسي هدف د سولې ثبات دی. موږ بې ثباتي لیدلې، هر یو په خپله وینه او خپلو احساساتو کې پوهېږو چې د بې ثباتي مانا څه ده. سوله د دې ټولنې ورکه ده، ځکه چې سوله له ثبات سره مستقیم ارتباط لري، نو همدا ضرور ده چې انشاالله و تعالی په دې کال کې موږ د دوامدارې او تلپاتې سولې چې د ثبات موجب شي، شاهدان اوسوو.
ما د امنیتي وضعیت د بهبود لپاره په تېرو څلورو اونیو کې د ټولو قول اردوګانو او د ولایتونو له امنیه قوماندانانو او د ملي امنیت له رئییسانو سره جلا جلا د زړورو امنیتي او دفاعي ځواکونو د شرایطو د ښه والي پخاطر تفصیلي خبرې وکړې او د ملاتړ ډاډ مې ورکړ.
  زه یو وار بیا ژمنه کوم چې د دوی معنوي او مادي ملاتړ به د پخوا په څېر په ښه توګه روان وي، داسې ملاتړ چې زموږ د سرتېرو تجهزات او اعاشه به تر پخوا لا بهتره شي.
زه د امنیتي او دفاعي ځواکونو څخه مننه کوم چې د خپلو سرونو په قربانولو سره د خپلو وطنوالو امنیت او د هېواد د ثبات لپاره مبارزه کوي. زه د دوی له کورنیو څخه مننه کوم چې بچیان یې د ملي ځواکونو لیکو ته، د وطن مقدسې دفاع ته لېږلي. یو ځل بیا ټول ولس په خاصه توګه د امنیتي او دفاعي ځواکونو د شهیدانو کورنیو ته د اختر مبارکي وایم.
یک افغانستان باثبات موجب ثبات منطقه میشود، یک افغانستان مرفه موجب رفاه منطقه میشود. ارتباط منطقوی، همکاری منطقوی همه جانبه کلید موفقیت آینده ما است. دراین بخش میخواهیم؛ بالای تمام همکاران منطقوی ما، همسایه های دور و نزدیک ما صدا کنیم! که در پروسه صلح و در تحکیم ثبات همکار دوامدار ملت و دولت افغانستان باشند.
• در خانه بمانید، سلامت بمانید
په کور پاتې شئ، روغ پاتې شئ
یشه سن افغانستان
زنده باد افغانستان
ژوندی دې وې افغانستان

کابل / د غبرګولي ۴ مه / باختر
د افغانستان د اسلامي جمهوریت جمهوررییس محمداشرف غني د تشریفاتو قطعې له معاینې وروسته نن سهار د نېکمرغه کوچني اختر لمونځ په ارګ کې ادا کړ.
د جمهوررییس د ویاند دفتر باختر آژانس ته خبر ورکړ؛ د اختر د لمانځه په مراسمو کې پر جمهوررییس سربېره مخکېني جمهوررییس حامد کرزي، د ملي مصالحې عالي شورا رییس ډاکټر عبدالله عبدالله، د سوداګرۍ او اقتصادي پراختیا او بې وزلۍ کمولو په چارو کې د جمهوررییس فوق العاده استازي محمدیوسف غضنفر، قاضي القضات او د سترې محکمې رییس قانونپوه سېدیوسف حلیم، لوی څارنوال فرید حمیدي، د هېواد یو شمېر سیاسي مشرانو، ملکي او نظامي مقاماتو او د ملي شورا استازو د لمانځه له ادا کولو وروسته له یو بل سره د اختر مبارکي وکړه. 
وروسته جمهوررییس غني د افغانستان عظیم ملت ته د نېکمرغه کوچني اختر د مبارکي پرمهال د ملکي او نظامي شهیدانو کورنیو ته د تسلیت او غمشریکۍ مراتب وړاندې کړل او همدارنګه یې د هېواد د دفاع ، امنیت او ثبات په برخه کې د امنیتي او دفاعي ځواکونو د اتلولیو او سرښندنو له امله د دوی او د دوی د ویاړلو کورنیو قدرداني وکړه او د اختر مبارکي یې ورته وویله.
جمهوررییس وویل: له بده مرغه سږکال روژه اوکوچنی اخترپه داسې حال کې راغلل، چې د کرونا وبا ټوله نړۍ او زموږ ولس سخت متاثر کړی او  موږ به چې تل د اختر په ورځ د ولس کوربانه وو، دا ځل مو د وبا د مخنیوي له امله چې هم شرعي حکم دی او هم د عامې روغتیا وزارت لارښوونه ده، تعداد محدود کړ.
جمهوررییس  په هېواد کې د کرونا پېښو زیاتېدو ته په اشارې له هېوادوالو څخه وغوښتل  چې د روغتیا وزارت د سپارښتنو په اساس مراسم مختصر ونیسي او د یو بل له لیدلواو تګ راتګ، ډډه وکړي.
د هېواد جمهوررییس ټولو ناروغانو ته د روغتیا او شهیدانو ته د فردوس جنت هیله وکړه او همدارنګه یې د عامې روغتیا وزارت صحي کارکوونکو، ډاکټرانو، نرسامو  او د خصوصي سکتور کارکوونکوڅخه په مننې وویل: هغوی ته چې له کرونا ویروس سره د مبارزې په لومړۍ کرښه کې قرار لري، د کابینې د پرېکړې په اساس خاص امتیازات په پام کې دي. 
جمهوررییس د جمهوریت پر واحد صف د خوښي څرګندولو ترڅنګ د ملي مصالحې عالي شورا رییس ډاکټر عبدالله عبدالله څخه د دغه دروند مسوولیت د منلو له امله مننه وکړه.هغه سوله د ولس ورکه وبلله او ویې ویل: د سولې اساسي موخه ثبات دی او  سږکال به د دوامدارې او تلپاتې سولې چې د ثبات موجب شي، شاهدان واسوو. 
جمهوررییس غني د طالبانو له لوري د اوربند د اعلان هرکلی وکړ او ویې ویل: پرون شپه یې ټولو امنیتي او دفاعي ځواکونو ته امر کړی چې بشپړ اوربند مراعت او یوازې دفاعي حالت غوره کړي او هیله یې څرګنده کړه چې دا اختر د دوه کاله دمخه اختر غوندې ولس ته د خوشالۍ او سوکالۍ ورځې وي.
محمداشرف غني څرګنده کړه: د مسوول دولت په توګه غواړو یو بل ګام هم واخلو او اعلان کوو چې د طالبانو د زندانیانو ازادېدل به چټک شي او همدارنګه یې پر طالبانو غږ وکړ چې د امنیتي او دفاعي ځواکونو هغه زندانیان چې له دوی سره دي، ژر تر ژره ازاد کړي.
جمهوررییس وویل: ځینو کړیو طالبانو ته دا فهم ورکړی چې اوربند د دوی د کمزورۍ لامل کېږي او که د اوږدمهال لپاره اوربند وکړي، نو خپل سیاسي وزن له لاسه ورکوي، مګر اوربند چې له ډېرو کلونو راهیسې د افغانستان اسلامي جمهوري دولت دریځ دی، د کمزورۍ نه، بلکې د ځواک او قوت نښه ده.
جمهوررییس غني  طالبان د افغانستان د ټولنې واقعیت وبلل  او زیاته یې کړه: د وزن د تثبیت ځای د جنګ میدان نه، بلکې د مذاکراتو مېز دی. هغه زیاته کړه: جنګ موږ په ځانګړي ډول افغان ښځو ته له بدمرغۍ مه واره نور هیڅ نه دي راوړي او افغان ښځې نن د سولې لپاره د سیاسي اجماع په لومړي کتار کې دي.
هغه زیاته کړه: سوله زموږ ملي غوښتنه او د سولې ګټونکی د افغانستان ولس دی. د سولې موافقتنامه په افرادو او ډلو نه، بلکې د افغانستان خلکو پورې تړاو لري او د دغې موافقتنامې د تائید په اړه به وروستۍ پرېکړه د افغانستان ملت وکړي. 
جمهوررییس له طالبانو څخه وغوښتل چې د افغانستان ملت ته صدمه ونه رسوي، ځکه هرڅوک چې ټپي او یا شهید کېږي، یو نه جبرانېدونکی داغ دی. هغه زیاته کړه: ټول علما په دې نظر دي چې جنګ مشروعیت نه لري او اساسي حل لاره د مذاکراتو پیلول دي. د مذاکرې همه شموله افغان پلاوی چې د افغانستان د ملت او دولت استازیتوب به وکړي، مذاکراتو ته چمتو دی.
جمهوررییس وویل: دامنیتي وضعیت د ښه والي لپاره یې په تېروڅلورو اوونیوکې دټولوقول اردوګانواودولایتونوله امنیه قوماندانانو اود ملي امنیت له رییسانو سره جلاجلا د زړورو امنیتي او دفاعي ځواکونودشرایطو د ښه والي په خاطرتفصیلي خبرې کړي او دملاتړ ډاډ یې ورکړی دی.
جمهوررییس غني په ټینګار سره وویل: زه یو واربیا ژمنه کوم چې د دوی معنوي او مادي ملاتړ به دپخوا په څېر په ښه توګه روان وي، داسې ملاتړ چې زموږ د سرتېرو تجهزاتاواعاشه به ترپخوا لا بهتره شي.
جمهوررییس د خپلې وینا په پای کې وویل: باثباته افغانستان د سیمې د ثبات او هوساینې لامل کېږي او همدارنګه یې سیمه ییزې اړیکې او هراړخیزې همکارۍ زموږ د راتلونکي دبریالیتوب کیلي وبلله او په ټولو نږدې او لیرې  ګاونډیانو یې غږ وکړ چې  د سولې او ثبات د تامین په برخه کې د افغانستان د ملت او دولت دوامدار همکاران اوسي.
پای – ج

 کابل / د غبرګولي ۴ مه / باختر
د افغانستان د اسلامي جمهوريت د جمهوررييس محمد اشرف غني، د جمهوري رياست د مرستيالانو، د ملي مصالحې عالي شورا د رييس ډاکټر عبدالله عبدالله، د کابينې د غړو، د ملي شورا د دواړو مجلسونو رييسانو، د سترې محکمې د رييس، د هېواد د امنيتي او دفاعي ځواکونو او د افغانستان د ټول ملت په نامه د نېکمرغه کوچني اختر په مناسبت د مبارکى پيغامونه باختر آژانس ته رسېدلي دي.
په پيغامونوکې د نېکمرغه کوچني اختر په مناسبت د ښو مبارکيو او نيکو هيلو د څرګندولو ترڅنګ ويل شوي دي چې مسلمه امت د نفس د تزکيې، طاعتونو او عبادتونو مياشت تېره کړه او اوس د نېکمرغه کوچني اختر ورځې نمانځي.
دغه راز په پيغامونوکې څرګنده شوې ده چې اختر مسلمانانو ته د سولې، پيوستون او  روغې جوړې د ستر پيغام زيری ورکوي.
په پيغامونوکې د نېکمرغه کوچني اختر په ورځو کې د دولت او وسله والو مخالفانو ترمنځ د اوربند د هرکلي په ترڅ کې په هېواد کې پر دايمي اوربند او سولې پر ټينګښت ټينګار شوى دى.
دغه راز څرګنده شوې ده چې د افغانستان د راتلونکي په اړه د تعقل د فرصت او د دايمي سولې په اړوند د خبرو لپاره فرصت له هر وخت زيات برابر شوى دى او په هېواد کې وروستي بدلونونه په افغانستان کې د سولې د پیل او د جګړې د پاى ته رسېدو زيری ورکوي.
په پيغامونوکې جګړې او وينې تویيدنې، د اسلام مبين دين د زده کړو او حکمونو پرخلاف بلل شوې دي او ټينګار شوى دى چې رښتيني مسلمانان په مسلمه توګه سولې ته  چې د خداى (ج) فرمان دى؛ مخه کوي او په هېواد کې جګړې او ورور وژنه پاى ته رسوي.
دغه راز په دغو پيغامونو کې د الله (ج) له درباره د هېواد د خلکو د آرامۍ او سوکالۍ او د دايمي سولې او امنيت د ټینګښت هيله شوې ده.
دغه پيغامونه د اطلاعاتو او فرهنګ وزارت او د يوشمېر نورو وزارتونو، دولتي ادارو، ټولنيزو، فرهنګي، تحصيلي او تعليمي بنسټونو، سازمانونو، قومي مشرانو، اتحاديو او د ملکي او پوځي بنسټونو له خوا رسېدلي دي.
ختم - ج – اکرم

 کابل / د غبرګولي ۴ مه / باختر
د اعلی سرقوماندانۍ غونډه د افغانستان د اسلامي جمهوریت د جمهوررییس محمد اشرف غني په مشرۍ پرون مازیګر ترسره شوه او د هېواد عمومي امنیتي وضعیت یې وارزاوه.
د جمهوررییس د ویاند دفتر باختر آژانس ته خبر ورکړ؛ په دې غونډه کې چې د ویډیو کنفرانس له لارې په ارګ کې ترسره شوه، د ملي امنیت سلاکار ډاکټر حمدالله محب او د امنیتي سکتور ارشد مسوولینو او یو شمېر نورو دولتي چارواکو هم حضور درلود، د هېواد د عمومي امنیتي وضعیت د ارزونې ترڅنګ د امنیتي او دفاعي ځواکونو د تحرکاتو او فعالیتونو او د اختر په ورځو کې د خلکو د امنیت په تامین بحث او خبرې وشوې.
لومړی د ملي دفاع وزارت لوی درستیز ستر جنرال بسم الله وزیري د خپلو عملیاتو او تحرکاتو په اړه چې د طالبانو ډېری بریدونه یې شنډ کړي، راپور وړاندې کړ.
همداراز د هېواد د امنیتي او دفاعي ځواکونو له لوري پر کېدونکو عملیاتو هم بحث وشو او لوی درستیز وویل: امنیتي او دفاعي ځواکونه بشپړ تیاری لري چې د دښمن د هر ډول برید او ګواښ پر وړاندې د هېواد او خلکو ساتنه وکړي.
هغه په کندز کې د دښمن د برید د دفع کولو په اړه هم جمهورريیس ته راپور ورکړ ویې ویل: امنیتي او دفاعي ځواکونو په دغه ولایت کې د طالبانو ټول بریدونه په شا وتمبول او هغوی ته یې درانه تلفات واړول.
وروسته د ملي امنیت عمومي رییس ډګرجنرال احمدضیا سراج د هېواد په مختلفو برخو په ځانګړي ډول شمال ختیځ کې د دښمن د تحرکاتو، اهدافو او فعالیتونو د زیاتوالي او د هغو د له منځه وړلو لپاره د امنیتي او دفاعي ځواکونو له لوري د نیول شویو تدابیرو په اړه معلومات وړاندې کړل.
ورپسې د کورنیو چارو وزارت ستر امنیتي معین ستر پاسوال عبدالصبور قانع هرات، غور او بادغیس ته د خپل وروستي سفر په اړه راپور وړاندې کړ ویې ویل: په دغه سفر کې د امنیتي او دفاعي ځواکونو د وضعیت څرنګوالي، د دښمن د ګواښونو کچې، کمبودۍ او له خلکو سره کار وارزول شو.
هغه زیاته کړه: امنیتي او دفاعي ځواکونه په لوېدیځ زون کې د خلکو د ساتنې لپاره ټول تیاری لري او د عملیاتو د ترسره کولو، د ګواښونو د دفع کولو او د خلکو ساتنې په اړه پلان جوړونه په ښه ډول پرمخ ځي.
جمهوررییس غني د هغوی د راپورونو او د یادو معلوماتو تر اورېدو وروسته، لومړی د کوچني اختر د رارسېدو له امله د هېواد امنیتي او دفاعي ځواکونو ته مبارکي وویله او زیاته یې کړه: زموږ امنیتي او دفاعي ځواکونه باید په همغږي ډول د منظمو پلانونو په چوکاټ کې د خلکو د ساتنې او امنیت تامین لپاره خپل فعالیتونه ولري.
هغه زیاته کړه: د اختر په ورځو کې د خلکو د امنیت ښه تامین د هېواد د امنیتي او دفاعي ځواکونو عمده دنده ده او باید جدي پاملرنه ورته ولري.
جمهوررییس څرګنده کړه: امنیتي او دفاعي ځواکونه باید پر وخت اجراآت ولري، د پلان جوړونې او عملیاتو په مراحلو کې کمی او زیاتی له منځه یوسي او هغو ګواښونو ته چې خلکو ته پېښېږي، ځواب ووایي.
جمهوررییس غني د خپلو خبرو په پای کې په کندز کې د هېواد د امنیتي او دفاعي ځواکونو د فعالیتونو او لاسته راوړنو او دا چې د طالبانو بریدونه یې ناکام کړل، ستاینه وکړه.#
پای/ ج

Page 1 of 2266