30 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

 کابل / دلړم ٨مه /باختر
د اسلام د ستر پيغمبر حضرت محمد ( ص)  د نيکمرغه ميلاد په مناسبت د ملي روغې جوړې  دعالي شورا د رييس ډاکتر عبدالله عبدالله پيغام .
د ربيع الاول په دولسمه  پربشريت د الهې رحمت او د لارښوونې نور د اسلام ستر پيغمبر حضرت محمد ( ص) نړى  ته سترګې پرانستې.
دعالم د وروستي  پيغمبر د ميلاد په مناسبت د نړۍ ټولو مسلمانانوپه تېره بيا د افغانستان مسلمانو خلکو ته مبارکي وايم.
د آن حضرت ( ص)  نيکمرغه ميلاد بشريت ته د توحيد اوعدالت، وحدت او پيوستون  او د ګډ ژوند لپاره ځېرى ورکوونکي و .
آن حضرت ( ص) د اسلام مقدس دين د توحيد، عدالت ، ازادي،  برابرى ، ورورګلوى، زهد، عقلانيت اود بشر دوستى بربنسټ ټينګ کړ.
د اسلام مقدس دين تل پرسولې، نيکمرغى اواعتدال ټينګار کوي خوله بده مرغه يوشمېر ډلې د دين ترنامه لاندې تاوتريخوالي او بنسټپالنه رواجوي.
د اسلام مقدس دين د يو بې ګناه انسان وژنه د ټولو خلکو وژنه بولي او د بې ګناه انسانانو د ځان پرساتنې او درناوى ټينګار کوي. خو تروريستې ډلې هره ورځ  د ځانمرګو بريدونو او چاودنو په ترسره کولو سره  د ښځو او ماشومانوپه ګډون زموږ لسګونه  هېوادوال شهيدانوي .
په داسې حال کې چې د بې ګناه انسانانو د ژوند د حق  اخستل د قران مجيد اود رسول الله ( ص)  د سنت له حکم سره  په مغايرت کې دى.
اسلامي ټولنې  په تېره بيا افغانستان له بل هروخت څخه زيات ديني اود سيرت النبي اصيلومنابعو ته د مراجعې اړتيا لري. چې دغه ستر چلنج او ورانوونکي ګواښ ته د حل لاره ومومي .
په دې لاره کې دعامه ذهنونو په ويښولو کې دهېواد او د اسلامي نړۍ د جيدو اوفاضلو عالمانورول ټاکونکى اواغيزمن دى .
د افغانستان خلک  د تاريخ په حساسو شرايطو کې دي او هيله کېږي چې د ټولو هېوادونو  او اړخونوپه همکارى په هېواد کې د جګړې له پاى ته رسولو اود سياسي حل لارې د موندلو په لاره کې  له دغه فرصت څخه  استفاده وکړي .
څلويښت کلن بحران ثابت کړ چې جګړه د حل لاره نه ده او دا مشخصه ده چې د بېګناه خلکو د وژنو او د تاوتريخوالي په زياتولو سره نه شوکولاى سولې ته ورسېږو.
الله ( ج )  د ميلاد نور ( ص)  په برکت  اسلامي ټولنو په تېره بيا  زموږ ګران افغانستان ته يو والي ، پيوستون ، سوله ، امنيت اوارامي په برخه کړي .
ختم_ ج _اکرم

۱۸- کابل / د لړم ۷ مه / باختر سبا د اسلام د ستر پیغمبر حضرت محمد (ص) د نېکمرغه میلاد ورځ ده. افغان پر دین مین ولس دا ورځ په داسې حالاتو کې نمانځي چې د سولې لپاره یو تاریخي فرصت برابر شوی دی. موږ د یو دیندار او ژمن ملت په توګه په اوسني خورا حساس او کړکېچن پړاو کې تر هرڅه ډېر د نبوي (ص) لارښوونو ته اړتیا لرو. د باختر آژانس مفسر دا موضوع څېړلې ده او لیکي: د اسلام ستر پیغمبر حضرت محمد (ص) د بشریت ستر لارښود دی، د لوی خدای (ج) نازولی پیغمبر دی، د نوي اسلامي تمدن نوښتګر او بنستګر دی. کله چې محمد (ص) د لوی خدای (ج) په لارښوونه له مکې څخه یثرب ته هجرت وکړ؛ نو هلته یې د نوي اسلامي تمدن بنسټ کېښود او هغه ښار یې مدینه وباله. اوس د ټولې نړۍ مسلمانان دغه ښار، یانې د اسلامي تمدن ټاټوبی، مدینة النبي او همدارنګه مدینه منوره بولي، پرې ویاړي او درناوی یې کوي. پیغمبر (ص) خلکو ته له تیارو او جهالته د ژغورنې پیغام راوړ، خلک یې د واحد خدای (ج) عبادت ته وبلل او هغوی ته یې د ژوندانه په ټولو چارو کې لارښوونه وکړه. که موږ د اسلام تاریخ ته کتنه وکړو او په مدینه کې د خلکو ژوند وڅېړو؛ نو ګورو چې هلته ټولو د ورونو په څېر سره ژوند کاوه، د یو بل مرسته یې کوله، غم او درد، خوښي او خوشحالي یې سره شریکه وه. اسلامي تمدن د بشري خواخوږۍ، صبر او زغم، د یو بل د درناوي، منلو او زغملو پر بنسټ ولاړو. هېچا ځان پر نورو لوړ او غوره نه باله، د عرب او عجم ترمنځ توپیر نه و او که و، نو د تقوا له مخې و، نه د زور او زر له مخې. په مدینه کې د ټولو سر، مال، پت او عزت خوندي و، ټولو په امن‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍یت، سوله او پخلاینه کې ژوند کاوه. هغه مهال مدینه منوره د ټولې نړۍ لپاره یوه بېلګه وه، د ګډ سوله ییز ژوند بېلګه، د ورورۍ بېلګه، د امنیت او ثبات بېلګه، د اعتدال بېلګه. د نړۍ په کونج کونج کې به د مدینې منورې خبرې کېدې، خلکو به ورته ګوته به خوله غوږ نیولی و، ډېرو په زړونو کې دا آرمان پاله چې مدینې ته لاړشي او هلته دغه نوی تمدن له نږدې وګوري، د ژوند نوې طریقه له نږدې وګوري، هغه امنیت او ثبات له نږدې وګوري او هلته له یو بل سره د خلکو مینه او محبت له نږدې وګوري، هغه اسلامي عدالت له نږدې وګوري. د مدینې او همدارنګه د اسلامي تمدن د شهرت انګازې د نړۍ په ټولو لویو وچو او هېوادونو کې خپرې وې. له بده مرغه نن اسلامي نړۍ له ګڼو ستونزو سره مخ ده. تر ټولو ډېرې جګړې په اسلامي هېواودونو کې دي. تر ټولو ډېر فقر، لوږه او بې سوادي په اسلامي هېوادونو کې ترسترګو کېږي. افغانستان هم د یو اسلامي هېواد په توګه له ګڼو ستونزو او ناخوالو سره مخ دی. د افغانستان تر ټولو ستره ستونزه دا ده چې له څلوېښتو کلونو راهیسې له جګړې سره لاس او ګرېوان دی. دا جګړه اوس هم دوام لري.هره ورځ د هېواد په بېلابېلو سیموکې نښتې او چاودنې رامنځ ته کېږي او بې ګناه افغانان وژل کېږي. که موږ د دغو ټولو ناخوالو او نادودو نوغی راوسپړو؛ نو دې پایلې ته رسېږو چې ډېرو یې له اسلامي لارښوونو له انحرافه تومنه اخیستې ده. هرکله چې خلکو د اسلام رښتینی پیغام چې هغه د سولې، پخلاینې او اعتدال پربنسټ ولاړ دی او الهام ترې اخلي، له پامه غورځولی دی، ارزښت یې نه دی ورکړی؛ نو بیا له بدمرغیو او ناخوالو سره مخ شوي دي. اوس چې د سولې خبرې روانې دي، ټول ښکیل لوري باید نبوي (ص) لارښوونو ته مراجعه وکړي، د هغوی په رڼا کې روانې کشالې ته د حل معقوله لاره ومومي او دا مسلمان ملت له ناورینه وژغوري. په دې کې موږ د نبي (ص) د نېکمرغه میلاد تر ټوله ښه درناوی او نمانځنه وینو. پای/ن.ش

٤٨-کابل / دلړم ٦مه / باختر د مشرانوجرګې د رييس فضل هادي مسلم یار په مشرۍ د دې جرګې د سه شنبې ورځې غونډه کې د بامیانو ولایت څخه د شکایتونو اورېدو کمېسیون د پلاوي د رپوټ د اورېدو سربېره د هېواد د روانو مسایلو اړوند بحثونه وشول. دمشرانوجرکې مطبوعاتي دفترباخترآژانس ته خبرورکړ. غونډه کې یو شمېر سناتورانو د ګلبدین حکمتیار د وروستیو څرګندونو په اړه تند غبرګون وښود او وویل: نوموړي د پاکستان د سفر وروسته د یاد هېواد د پوځ په نیابت د موقت حکومت د جوړېدو په اړه د غیر قانوني او تکراري غوښتنو سربېره ویلي هیڅ پاکستانې وګړی د هلمند جګړه کې حضور نه لري. سناتورانو د حکمتیار د یادو څرګندونو څخه خواشیني او تعجب څرګند او زیاته کړه پاکستان د څو لسیزو په اوږدو کې د افغانستان په کورنیو چارو کې لاسوهنه کړی او کره اسناد شتون لري چې د پاکستان زرګونه وګړي د افغانستان په جګړو او ورانولو کې ښکېل دي او حکومت باید د یادو څرګندونو په نسبت حکمتیار تر قانوني څار لاندې ونیسي، او هم د بهرنیو چارو وزارت مکلف دی چې له هېواده بهر د سیاسیونو د سفرونو اړوند چې د حکومت د همغږۍ او موجه دلایلو پرته ترسره کېږي، مشرانوجرګې ته ځواب ووایی. سناتورانو همداراز د پټو او ښکاره جاسوسانو څخه د مشخص تعریف په نشتون نیوکه درلوده او ټینګار یې وکړ چې د ملي امنیت لوی ریاست  د بهرنیو جاسوسانو د فعالیت د مخنیوي او پيژندنې په اړه سنامجلس سره معلومات شریک کړي. غونډه کې یو شمېر سناتورانو د پلیو لارو د پرانیستو په موخه د کابل ښاروالۍ اقدام څخه په هرکلي سره وویل، د لویې جرګې تالار کې د ناستو د جوړېدو څخه د رامنځته کېدونکي بی حده ګڼې ګوڼې هېوادوالو ناراضه او په تکلیف کړي او باید یې حکومت بدیله لار وپلټي او خلک له دې حالته وژغوري ځکه هرې ناسته کې چې په یاد تالار کې جوړېږي د زده کوونکو، زده کړیالانو، ناروغانو، حکومتي کارکوونکو او کسبه کارانو په ګډون زرګونه کسان نه شي کولای په خپل وخت چارو ته رسیدګي وکړي. د جرګې غړو زیاته کړه وروستیو جګړو کې ګڼ شمېر کورنۍ له خپلو کورونو بیځایه شوي چې باید وضعیت او حالت ته یې رسیدګي وشي او هم ټینګار پدې و چې هلمند کې امنیتي او دفاعي ځواکونه دې د اعاشوي او نورو اړتیاو له پلوه سمبال شي ځکه د آزادۍ د لاري د دغو مبارزینو یو شمېر بیزونه د دښمن ګواښونو لاندې دي او ترڅنګ یې د هلمند وضعیت په تړاو وویل شول چې د وسله والو ځواکونو چوکاټ څخه بهر د قطعاتو جوړول د امنیتي وضعیت ښه والي کې ګټور نه شي تمامیدی. د مجلس غړو خوست ولایت کې د نن سهار برید په غندلو سره د قطر سولې خبرو اترو کې د طالبانو ډلې د وخت ضایع کولو او د هېواد بېلا بېلو برخو کې د جګړو په زیاتېدو نیوکه وکړه حتي ځینې سناتوران په دې باور وو چې باید د دولت لوري پلاوی د اعتراض په توګه د قطر ناسته ترک کړي ترڅو نړیواله ټولنه د طالبانو ډلې باندې فشار راوړي چې له غیر قانوني غوښتنو ډډه وکړي او اوربند ته غاړه کېږدي.  سناتورانو وویل د ژمي موسم نږدې دی باید د هوا ککړتیا څخه د مخنیوی په موخه مسئول بنسټونه سره له اوسه منظم پلانونه طرح او پلي کړي ځکه د هوا ککړتیا د نورو ناروغیو سربېره د کرونا ویروس خپرېدو ته زمینه برابروي. غونډه کې یو شمېر سناتورانو د اسلام د ستر پیغمبر د کاریکاتور د خپرېدو اړوند د فرانسې د جمهور ريیس امانویل ماکرون څرګندونې په کلکو ټکو وغندلې او په یادې برخه کې د مطبوعاتي اعلامیې د خپرېدو ترڅنګ د حکومت او د هېواد د عالمانو شورا په پټه خوله پاتې کېدو یې نیوکه وکړه. هندوستان او یونان کې د افغان کډوالو ستونزې چې د سناتورانو د نظریو یوه برخه یې جوړوله ټینګار وشو چې د بهرنیو چارو وزارت په ځانګړې توګه یادو هېوادونو کې مېشت د افغانستان سفارتونه دې ورته لازمه پاملرنه وکړي. نننۍ غونډې ته د اوسپنې پټلۍ قانون د ځینو موادو د تعدیل او حذف اړوند ۳۵۳ ګڼه تقنیني فرمان هم معرفي او د اجرااتو په موخه اړوند کمېسیون ته دنده ورکړل شوه. د آزادو بحثونو پای کې د مشرانوجرګې رييس فضل هادي مسلم یار خوست ولایت کې د نننۍ چاودنې د غندلو ترڅنګ د قربانیانو کورنیو سره خواخوږي څرګنده کړه. فضل هادي مسلم یار د ګلبدین حکمتیار د وروستیو څرګندونو په تړاو وویل: تېرو دوو لسیزو کې د پاکستان زرګونه وګړي چې د افغانستان په جګړو کې مخامخ ښکېل وو وژل شوي او یاهم اسیران شوي چې د ترهګرو څخه د پاکستان ښکاره ملاتړ څرګندوي او د یاد هېواد رسنۍ هم تل د پاکستانيو وژل شویو څخه رپوټونه خپروي چې دا خپله هم د همدې مطلب حقیقت روښانه کوي. د مجلس رييس له سیاسیونو وغوښتل چې د هېواد لوړې ګټې په پام کې ونیسي او خپلې شخصي اړیکې چې له هر سازمان، ډلې یا هېوادونو سره یې لري ترک او د خپلو امنیتی زړه ورو ځواکونو بی سارو قربانیو ته دې درناوی ولري، ځکه دوى د وطن او د نظام ساتونکي دي چې د سیاسیونو د امنیت مسئولیت یې هم په غاړه دی. فضل هادي مسلم یار یوځل بیا له حکومت او خلکو وغوښتل چې د کمال خان بند په ګډون د هېواد د تاسیساتو څخه د ساتنې او امنیت له پاره چې د هېواد د اقتصادي پرمختیا سبب ګرځي په ګډه کار وکړي. همدا راز یې ټینګار وکړ چې ټول لوري دې د یووالي له پاره کار وکړي ځکه دا چاره د هېواد په ګټه ده او زیاته یې کړه، نباید ځینې څېرې د خپل څو ورځني آرام ژوند او د پردیو په لمسون د هېواد او خلکو راتلونکې خطر سره مخ کړي او باید د ذلت او جاسوسي حالت څخه بهر او عزت لار غوره کړي له دې پرته به تاریخ کې د نفرت ډکو څېرو په نامه ثبت شي. د مشرانوجرګې رييس زیاته کړه، د دې ترڅنګ چې ستونزې موجودې دي خو د نظام او هېواد د بقا له پاره باید د خپل نظام ترڅنګ ودریږو او د سولې په موخه ګډ اقدام وکړو. د غونډې پای کې سناتور ګل احمد اعظمي د شکایتونو د اورېدو کمېسیون د پلاوی رپوټ چې د ډاکټر زلمي زابلي په مشرۍ بامیانو ته تللی وو، وړاندې کړ. نوموړي وویل په دې لیدنو کې مو هڅه وکړه ترڅو هغه ستونزې چې د والي او د بامیانو د ولایتي شورا ترمنځ رامنځه شوي حل شي خو ولایتي شورا په دې برخه کې همکاري ونه کړه او د بامیانو والي ژمنه وکړه چې د وکیلانو قناعت به حاصل کړي او زیاته یې کړه چې د یاد سفر په لړ کې د عامې روغتیا وزارت د معالجوي طب د عمومي رييس په ملګرتیا د بامیان د عامې روغتیا رييس څخه راغلي شکایت ته هم د رسیدګۍ لپاره کار وشو او هم د بامیانو د امنیه قوماندانۍ د منسوبینو او ځینو نورو سیمه ییزو ستونزو ته رسیدګي وشوه، او ټاکل شوې هغه نیمګړتیاوې چې د بامیانو پوهنتون کې وی یوې غونډه کې د لوړو زده کړو وزارت چارواکو سره تعقیب شي.  پاى- ج

٤٧-کابل / دلړم ٦مه / باختر د افغانستان د اسلامي جمهوریت جمهورريیس محمد اشرف غني نن له غرمې مخکې په افغانستان کې د کاناډا سفیر ډېویډ متکالف ته د مخه ښې کتنه کې د هغه د خدمتونو د قدرونې په موخه د غازي میر مسجدي خان دولتي مډال ورکړ. د جمهوررييس دوياند دفترباخترآژانس ته خبرورکړ. جمهورريیس د افغانستان او کاناډا ترمنځ د ښو او دوستانه اړیکو ټینګولو، د دوه اړخیزه باور او همکاریو د زیاتولو او د سیاسي او فرهنګي اړیکو د پراختیا په برخه کې د ډېویډ متکالف هڅې وستایلې او هغه ته یې په راتلونکي ماموریت کې د بریا هیله وکړه. جمهورريیس غني وویل، افغانستان له کاناډا سره پر اصولو او متقابل احترام ولاړې اړیکې او د ښځو د حقونو پیاوړي کولو په څېر ګډ ارزښتونه لري، په روغتیایي سکتور کې د کاناډا د پانګونې او د سولې پروسه کې مثبت رول د ستایلو دی. د کاناډا سفیر له جمهورريیس څخه د غازي میرمسجدي خان دولتي مډال د ورکولو له امله مننه وکړه ويې ویل، په افغانستان کې مې ماموریت تاریخي و، له افغانانو سره له ګډ کار خوښ یم او د دوی د مېلمه پالنې مننه کوم. هیله لرم افغانستان ژر تلپاتې سولې او ثبات ته ورسېږي او یوه ورځ له خپلې کورنۍ سره یو ځای د سیاحت لپاره راشم. ډیویډ متکالف د خپلو خبرو په پای کې وویل، کاناډا د افغانستان له دولت او خلکو سره مرستو او همکاریو ته ژمنه ده او په جینوا کنفرانس کې ګډون کوي، ترڅو د افغانستان د سولې او پرمختګ لپاره د مرستو ژمنې بیا تازه کړو.# پاى- ج

Page 1 of 2340