30 March 2020

RSS Facebook

سوداگریز


تازه خبرونه

په زابل کې ٦ سرتېري شهيدان شول

کابل \ د وري ١١ مه \ باختر د زابل په...

د پکتيا له مرکزي جېل څخه ٢١ بنديان ازاد شول

ګرديز \ د وري ١١ مه \ باختر د جمهور رييس...

سيلاونو په نيمروز کې لس زره جريبه کرنيزه ځمکه ويجاړه کړه

کابل\ د ورې ١١مه \ باختر په نيمروز کې لس زره...

Youtube Player

khantry design

سوداگریز

سوداگریز

کابل \ د وري ١١ مه \ باختر
د زابل په ارغنداب ولسوالۍ کې د افغان ځواکونو او وسله والو طالبانو ترمنځ نښته کې شپږ سرتېري شهيدان شول.
د والي وياند ګل اسلام سيال د باختر اژانس سيمه ييز خبريال ته وويل چې تېره شپه په ارغنداب ولسوالۍ کې د افغان ځواکونو او وسله والو طالبانو ترمنځ نښته شوې ده.
سرچينه زياتوي چې په نښته کې شپږ سرتېري شهيدان شوي دي.
ويل کېږي په نښته کې وسله والو طالبانو ته هم د سر دروند زيان اوښتى، خو کره شمېر يې نه دى معلوم.
پاى\وصال

ګرديز \ د وري ١١ مه \ باختر د جمهور رييس محمد اشرف غني د فرمان پر بنسټ د پکتیا له مرکزي جېل څخه ۲۱ بنديان ازاد شول. د پکتيا د والي مرستيال عبدالولي سهي د باختر آژانس سيمه ييز خبريال ته وويل چې د دغه فرمان له مخې به په راتلونکو ورځو کې نور بنديان هم ازاد شي. د دغه فرمان له مخې هغه جنايي مجرمين چې د بند موده يې له پنځه کلونو کمه پاتې وي؛ لوړ عمر او يا هم لاعلاجه ناروغۍ ولري، د عدلي او قضایي ارګانونو له تفکیک او پېژندنې وروسته یې د بند پاتې موده بخښل کېږي. پاى\وصال
کابل\ د ورې ١١مه \ باختر په نيمروز کې لس زره جريبه کرنيزه ځمکه د سيلاونو د راوتلو له امله ويجاړه شوه. د نيمروز د والي وياند باختراژانس ته وويل: په تېرو دوو ورځو کې د سختو اورښتونو او سيلاونو د راوتلو له امله لس زره جريبه کرنيزه ځمکه ويجاړه شوې ده. هغه زياته کړه: په دغو کرنيزو ځمکو کې غنم کرل کېدل چې خاوندان يې زيانمن او د دغې ولسوالۍ څو کليو ته هم زيان اوښتى دى. د دغې ولسوالۍ کروندګر او اوسېدونکو له حکومت څخه د مرستې غوښتنه وکړه. پاى \ ذ
کابل \ د ورې ١١مه \ باختر درې وسله وال طالبان تېره شپه په دايکنډي کې ووژل شول. د دايکنډي د ولايتي شورا غړي غيرت جواهري د باختراژانس له سيمه ييز خبريال سره په ټيلفوني اړيکه کې وويل: دغه وسله وال طالبان د دغه ولايت د کجران پې امنيتي پوستي د بريد په وخت کې ووژل شول او څلور نور ټپيان شول. جواهري زياته کړه: په بريد کې ٤ سيمه ييز پوليس هم شهيدان او ٨ نور ټپيان شول. پاى \ ذ

کابل\ د ورې ١١مه \ باختر
درې وسله وال طالبان پرون په بلخ کې ووژل شول.
د ٢٠٩شاهين قول اردو وياند محمد حنيف رضايي باختراژانس ته وويل: دغه وسله وال طالبان د بلخ د شولګرې ولسوالۍ د لويې لارې په تګلوري کې پرامنيتي پوستو د بريد په        وخت کې ووژل شول.
هغه زياته کړه: په  بريدونو کې ٧ نور وسله وال طالبان ټپيان شوي دي.
پاى \ ذ


 

کابل\ د ورې ١١مه \ باختر
څوارلس وسله وال طالبان پرون په غور کې په هوايي بريد کې ووژل شول.
د غور د والي وياند عارف عابر باختراژانس ته وويل: دغه وسله وال طالبان دغور د شهرک ولسوالۍ په مرغه سيمه کې  له هغه وروسته ووژل شول چې يوشمېر وسله وال طالبان  د پوځيانو پر امنيتي پوستو د بريدونو لپاره راټول شوي وو.
په وژل شويو کسانو کې د وسله والو طالبانو يو شمېر قوماندانان هم  شامل دي.
پاى \ ذ


 

کابل\ د ورې ١١مه \ باختر
د کابل ښار پولیسو تېره شپه یوسړی چې غوښتل يې د کانالیزاسیون له لارې شهزاده سرای ته ننوخي ونیوه.
د کورنیو چارو وزارت یوې امنیتي سرچینې د باختراژانس خبریال ته وویل چې دغه سړي له لاسي وسایلو څخه په استفادې سره غوښتل د کانالیزاسیون له لارې د پیسو د غلاکولولپاره شهزاده سرای ته ننوځې.
ختم \ع

کابل\ د ورې ١١مه \ باختر
د فراه د امنيې قوماندانۍ ویاند محب الله محب باخترآژانس ته وویل چې د فراه والي محمد شعیب ثابت په داسې حال کې چې د دغه ولایت مرستیال مسعود بختور، د امنیې قوماندانۍ سرپرست څارمن سخي اکبري او نورو مسوولینو د کرونا ویروس د خپرېدو د مخنيوي په خاطر د فراه ښار له ځینوعمومي ځايونو او هټيو څخه څارنه وکړه.
دا په داسې حال کې ده چې د فراه ښار هم د کرونا ویروس د خپرېدو د مخنیوي په موخه له پرون څخه را په دې خوا قرنطین شوى دى.
د فراه مسوولانو له اوسېدونکوڅخه وغوښتل چې روغتیايي لارښوونې او امنیتي تدبیرونه مراعات کړي.
ختم \ع       

کابل\ د ورې ١١مه \ باختر
شل بندیان پرون د کندز له مرکزي جېل څخه آزاد شول.
د کندز د مرکزي جېل مدیر ګل خان کوفي باخترآژانس ته وویل چې د جمهمور رییس د فرمان له مخې د کرونا ویروس د مخنیوي په موخه دغه بندیان د دغه ولایت له جېل څخه آزاد شول.
کوفي زیاته کړه چې په دې وروستیو ورځو کې یوشمېر نور بندیان به چې په فرمان کې شاملېږي هم آزاد شي.
د یادونې وړ ده چې دا مهال د کندز په مرکزي جېل کې ۷۱۰ بندیان د بند شپې ورځې سبا کوي چې له جملې يې شپاړلس ښځې دي.
ختم\ع

کابل\ د ورې ١١مه \ باختر
درې وسله والو طالبان پرون په غزنې کې ووژل شول.
د غزني د امنيې قوماندانۍ وياند احمدخان سيرت باختر اژانس ته وويل: دغو وسله والو طالبانو نيت درلود چې د غزني  د زنخان ولسوالۍ  په تخلک دښته کې لومړۍ لمبر لويه لاره  ناامنه او د موټر سپرلۍ وځوروي  چې د پوځيانو له سخت غبرګون سره مخامخ شول  او ووژل شول.
هغه  زياته کړه:  په پېښه کې دوه  نور وسله وال طالبان ټپيان او د هغوى يو توغندى ويشتونکى، يوه کلاشينکوف  او دوه موټرسايکلونه  د امنيتي ځواکونو لاسته ورغلل.
د يو بل خبرله مخې؛   په غزني کې د سيمه ييزې اردو يو هاموي ټانک بېرته ترلاسه شو.
د ملي امنيت رياست په خبرپاڼه کې راغلي؛ دغه هاموي ټانک چې  څه  موده مخکې وسله والو طالبانو د غزني د قره باغ ولسوالۍ د سيمه ييزې اردو پر يوې پوستې د بريد په وخت کې ترلاسه کړى و، بېرته د دغه رياست د منسوبانو په عملياتو کې ترلاسه شو.
پاى \ ذ

Page 1 of 8658