20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

کابل / دمرغومي ٣٠مه / باختر
د ملي امنيت کار کوونکو دوه تنه د هرات د وګړو د احوالو د ثبت په آمريت کې د سندونو د جعل کولو په تور ونيول. 
دغه کسان له کافي سندونو او درېيو جعلي تذکرو سره لاس په لاس ونيول شول.   
د هرات د والي وياند جيلاني فرهاد باختر آژانس ته وويل چې پر دغو کسانو تور لګول شوى دى چې د پيسو د ترلاسه کولو په بدل کې يې د سندونو په جعل کولو او د تذکرو په وېشلو لاس پورې کاوه.
پاى \ ذ

کابل / دمرغومي ٣٠مه / باختر
په داسې حال کې چې دننګرهار د شېرزادو ولسوالۍ زياتې برخې د وسله والو طالبانو له شتون څخه پاکې شوې دي؛ جګپوړي پوځي مقامات په دغو سيموکې د پوځي قرارګاوو د جوړولو خبره کوي. 
پوځي مقامات وايي چې د طالبانو له شتون څخه په پاکو شويو سيموکې به د پوځي قرارګاوو په جوړولو سره له يوې خوا غواړي چې شېرزادو ته د ډاراچوونکو د احتمالي راستنيدو مخه ونيسي او له بله پلوه د حکومتوالۍ، بيارغاونې او پراختيا بهير لپاره زمينه برابره کړي.    
د رارسېدلو خبرونوله مخې: د وروستۍ يوې مياشتې په بهيرکې د شېرزادو په ځينو سيموکې لسګونه قراګاوې جوړې شوې دي او دغه بهير دوام لري.
د هېواد په ختيځ کې د سېلاب قول اردو د يوې خبرپاڼې په خپرولو سره وايي چې دغه قرارګاوې د شېرزادو د خلکو په غوښتنه جوړېږي.    
د شېرزادو اوسېدونکي له دې امله چې له کلونو وروسته خپل ځواګونه ترڅنګ ويني؛ خوشحاله دي او له حکومت څخه غوښتنه کوي چې په شېرزادو کې د ځواکونو د دايمي ځاى پرځاى کولو ترڅنګ د بيا رغاوني بهير هم ګړندى کړي.
پاى \ ج \ذ


 

کابل / دمرغومي ٣٠مه / باختر
د هرات پوهنتون د محصلانو د علمي کچې د لوړولو لپاره هلې ځلې کوي.
د هرات پوهنتون چې د افغانستان په کچه يو معتبر پوهنتون دى؛ په وروستيو څو کلونو کې علمي او تحقيقي پرمختګونه کړي دي او هلې ځلې کوي چې د محصلانو د علمي ظرفيتونو په لوړولو سره له نورو پوهنتونونو سره سيالي وکړي. 
د هرات پوهنتون محصلانو هم په ١٣٩٨ کال کې علمي برياليتوبونه درلودل او هلې ځلې يې  کړې دي چې په نړيوالو سياليو کې ګډون وکړي.
هر کال له هرات پوهنتون څخه څه دپاسه ٣٠٠٠ محصلان فارغېږي او دغه پوهنتون  هر کال دڅه دپاسه ٢٠٠٠ محصلانو د منلو ظرفيت لري. 
د هرات پوهنتون د تحصيلي څانګو د تخصصي کولو لپاره هلې ځلې کوي او څه دپاسه  ٧٠ پوهنځي لري .
د هرات پوهنتون يوه مسوول باختر آژانس ته وويل چې د هرات پوهنتون د محصلانو د علمي ظرفيتونو د لوړولو لپاره علمي او تحقيقي مرکزونه لري او دغه راز د ادبياتو او اقتصاد په څانګوکې د ماسټرۍ برخه هم فعاله کړې ده چې د زده کړې د ودې او دوام لپاره ښه زمينه ده.  
پاى \ج\ ذ

کابل / دمرغومي ٣٠مه / باختر
لس وسله وال طالبان په روزګان کې په هوايي او توپچي بريدونوکې ووژل شول. 
پر دغو طالبانو تېره شپه او نن سهار تيرينکوټ ښار ته څېرمه او په دهراوود ولسوالۍ  کې د دوى په پټنځيو کې بريدونه وشول.  
د هېواد په جنوب کې د اتل قول اردو باختر آژانس ته د يوې خبرپاڼې په استولو سره ويلي دي چې په بريدونوکې له ټولو جنګي وسايلو سره يې دوسله والو طالبانو درې پټنځي له منځه وړل شوي دي. 
خبرپاڼه په بريدونوکې د لسو وسله والو طالبانو وژل کېدل تاييدوي.   
د يو بل خبر له مخې:
د روزګان پوليسو د دغه ولايت له ګڼ مېشتو لارو څخه د ٦ ماينونو په کشف سره د يولړ چاودنو مخه ونيوله.
پاى \ ذ


 

کابل / دمرغومي ٣٠مه / باختر
په قندهارکې ١٢٠ سېلاو ځپلو کورنيو بشري مرستې ترلاسه کړې. 
دغه کورنۍ د وروستيو اورښتونو او د سېلاونو دراوتلو په بهيرکې په ډنډ ولسوالۍ کې خپل کورونه له لاسه ورکړي دي او اوس سملاسي بشري مرستې ته اړتيا لري.
د هېواد په جنوب کې د اتل قول اردو د بيړنيو حالاتو آمر باختر آژانس ته وويل چې په دغو مرستو کې وريجې، غوړي، بوره او چاى شته. 
د رارسېدلو خبرونو له مخې: په قندهارکې د وروستيو سېلاوونو د راوتلو له امله ٢٣ کسان ووژل شول او لسګونه نور ټپيان شول.   
دغو سېلاوونو دغه راز د خلکو د استوګنې سلګونه کورونه او په زرګونو جريبه کروندې ويجاړې کړې. 
سېلاو ځپلو کورنيو دغه مرستې کافي نه بولي او وايي چې موقتو کورونو، پيسو، خوراکي توکو، درملو او د سون توکو ته اړتيا لري.
په همدې حال کې د قندهار سيمه ييزمسوولين وايي چې له سېلاو ځپلو سره د مرستو بهير دوام لري.   
پاى \ ذ


 

کابل / دمرغومي ٣٠مه / باختر
د هرات والي د سوپرکولا شرکت له رييس عبداللطيف قناويزيان سره په کتنه کې د هرات ښار په شمال کې د ستر بيرغ د جوړولو په اړوند د دغه شرکت د طرحې هرکلى وکړ.
د دغه بيرغ په جوړولوکې د لرغوني هرات په تېره بيا د تيموريانو دورې د معمارۍ           هنري اصالتونه په پام کې نيول کېږي.
د هرات د والي وياند جيلاني فرهاد باختر آژانس ته وويل چې د هرات والي په دې کتنه کې له نورو ملي سوداګرو او تجارتي او توليدي شرکتونو مسوولينو ته بلنه ورکړه چې د هرات ښار په بيارغاونه کې ونډه واخلي.
پاى\ج\ ذ

کابل / دمرغومي ٣٠مه / باختر
په ننګرهارکې د "الندوه" روزنتون پر لسګونو يتيمو ماشومانو خوراکي توکي، جامې او  درسي لوازم ووېشل شول.
دغه مرسته "وامه" مرستندوى بنسټ ووېشله.
د ننګرهار د کار او ټولنيزو چارو رييس عبدالحکيم شېرزاد باختر آژانس ته وويل چې په دې پړاو کې د "الندوه" روزنتون له ٨٦ يتيمو ماشومانو سره مرسته وشوه.
د "الندوه" خيريه بنسټ مسووله دغه راز وايي چې ټاکل شوې ده له لسګونو بېوزلو او يتيمو زده کوونکو سره مرسته وکړي.
پاى \ ذ

 

کابل / دمرغومي ٣٠مه / باختر
د جمهورريیس ځانګړي استازي او د سولې په چاروکې د دولت وزیر عبدالسلام رحیمي پرون د ملګرو ملتو د سرمنشي له ځانګړي استازي تدامیچي یوماموتو سره وکتل.
د سولې په چاروکې د دولت وزارت د يوې خبرپاڼې په استولو سره باختر آژانس ته ويلي دي: په دې کتنه کې د افغانستان د سولې بهیر پر اړوندو جریانانو بحث وشو او دواړو لورو د سولې په بهیرکې د افغانستان د خلکو پر غوښتنو په ځانګړي ډول پر اوربند ټینګار وکړ.
پاى/ ذ

کابل / دمرغومي ٣٠مه / باختر
یوې ۱۸ کلنې نجلۍ پرون د تخار په تالقانو ښار کې په چړه یي ټوپک سره ځان وواژه.
د تخار پولیسو ویاند خلیل اسیر د باختر آژانس خبریال ته وویل چې دغې نجلۍ ځان د چړه یي ټوپک په ډزو سره ووژلى دى او پولیسو ته هم تر اوسه د دې ځان وژنې انګېزه نه ده روښانه شوې، خو په اړوند يې څېړنې دوام لري.
په تېره اوونۍ کې دا په تالقانو ښارکې د ځوانو نجونو د ځان وژنې درېیمه پېښه ده، خو د دغو ځان وژنو انګېزه تر اوسه معلومه نه ده.
پای/شکریه

 

کابل / دمرغومي ٣٠مه / باختر
څلور وسله وال طالبان پرون په بدخشان کې له پوځیانو سره یوځای شول.
د۲۱۷ پامیر قول اردو ویاند هادي جمال د باختر آژانس خبریال ته وویل: څلور وسله وال طالبان چې پخوا د بدخشان په یمګان ولسوالۍ کې د دولت پر ضد جګړه کوله؛ له تاوتریخوالي څخه لاس واخیست او له ۴ کلاشینکوفونو سره د هېواد له امنیتي او دفاعي ځواکونو سره یوځای شول.
پای/شکریه
 

Page 1 of 8469