22 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

امنیتی

کابل/ د وږي ۳۱ مه / باختر
د بادغيس سيمه ييز مسوولين وايي چې د دغه ولايت د بالامرغاب ولسوالۍ په خواجه سيمه کې پرون د وسله والو طالبانو پر پټنځيو د ناټو ځواکونو په هوايي بريدونوکې د دوو مشهورو قوماندانانو په ګډون ١٤وسله وال طالبان ووژل شول.
د بادغيس يو سيمه ييز مسوول باختر آژانس ته وويل چې په بريد کې د١٤وسله والو طالبانو په وژل کېدو سربېره، د بالامرغاب ولسوالۍ په خواجه ساحه کې د وسله والو طالبانو سنګرونه او پټنځي هم له منځه وړل شوي دي.
هغه وويل چې وژل شوي قوماندانان عبدالعزيز او محمدګل په بالامرغاب ولسوالۍ کې د وسله والو طالبانو د سوق او ادارې مسووليت په غاړه درلود.
ختم-ج - اکرم

کابل/ د وږي ۳۱ مه / باختر
د بلخ ولایت د زارع لپاره د طالبانو نومول شوى ولسوال تېره شپه په دې ولسوالۍ کې له پوځيانو سره په نښته کې ووژل شو.
د ٢٠٩ شاهين قول اردو وياند محمد حنيف رضايي باختر آژانس ته وويل چې د زارع  لپاره د طالبانو نومول شوی ولسوال مولوي ګل احمد له اتو ملګرو سره يې د دې ولسوالۍ په مربوطاتو کې له امنيتي او دفاعي منسوبینو سره په نښته کې ووژل شو.
هغه زياته کړه چې په عملياتوکې ۱۳ نور طالبان ټپيان شول.
د ٢٠٩ شاهين قول اردو وياند وويل چې په نښته کې دوه وګړني پاڅون کوونکي شهيدان او څلور امنيتي منسوبین ټپيان شول.
ختم- شکريه- اکرم

کابل/ د وږي ۳۱ مه / باختر
په تخارکې د يوه سرګروپ په ګډون پنځه وسله وال طالبان پرون له امنيتي او دفاعي ځواکونو سره يوځاى شول.
د تخار د والي وياند محمد جواد هجري د باختر آژانس خبريال ته وويل چې د طالبانو د استخباراتو مسوول ملا امان الله چې د دغه ولايت د دشت قلعه ولسوالۍ په مربوطاتوکې د دولت ضد فعاليتونه ترسره کول؛ له څلورو ملګرو او وسلو سره یې له پوځيانو سره يوځاى شو.
ختم-سعيده -اکرم

کابل/ د وږي ۳۱ مه / باختر
د ننګرهار چارواکي وايي چې د خوږیاڼو ولسوالۍ په زاوې سیمه کې د وسله والو طالبانو او داعش ترمنځ نښته کې دواړو لورو ته مرګ ژوبله اوښتې ده.
د ننګرهار د والي ویاند عطاالله خوږیاڼي باختر آژانس ته وویل چې تېره شپه د خوږیاڼو په زاوې سیمه کې د داعش او وسله والو طالبانو ترمنځ نښته وشوه چې پنځه ساعته یې دوام وکړ.
سرچینه زیاتوي چې په نښته کې ۹ داعشیان او دوه وسله وال طالبان وژل شوي دي.
پای/وصال

Page 1 of 5326