04 August 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

-کابل/ دزمري١٢مه/باختر:
په فارياب ولايت کې په ترافيکي پېښه کې د يوې کورنى درې غړي ووژل شول  او څلور تنه نور يې ټپيان شول.
دغه پېښه پرون ناوخته  د ميمنې ښار په يو واټ کې هغه وخت رامنځته شوه چې  يوګړندى موټرپه زيات ګړنديتوب سره له يوبل موټر سره ټکر وکړ.
د فارياب  يو امنيتي مسوول باختراژانس ته وويل چې په دې پېښه کې د يوې کورنى  درې غړي ووژل شول  او څلور نور يې ټپيان شول.
قربانيان او ټپيان په يوشخصي موټر کې له خپلو خپلوانو سره  د اخترمبارکي ته  روان و .
په ميمنې ښار کې د فارياب د مرکزي روغتون ډاکټرانو د دغې پېښې د دوو ټپيانو روغتيايي حالت خراب بللى دى .
ختم _ ج _اکرم

-کابل/ دزمري١٢مه/باختر:
په پروان کې سېلاونو د استوګنې  په لسګونه کورونه اوپلورنځي  ويجاړ کړل
دغه سېلاونه تېره شپه د باران د سخت اورښت وروسته  د چاريکارو ښار ته نږدې غره څخه راووتل،  او د دغه ښار زياتې برخې ونيولې .
د رارسيدلو خبرونوله مخې؛ دغوسېلاونو  د پروان  حلقوي سړک او په لسګونو نور سړکونه د تګ راتګ پرمخ وتړل خو سيمه ييز مسوولين وايي د دغو سړکونو په پاکولوسره يې د ترافيکو پرمخ  پرانستي دي .
د پروان ولايت له طبيعي پېښو سره  د مبارزې د تيارى  رييس نثار احمدحبيبي باختراژانس ته وويل چې دغو سېلاونو د استوګنې  په لسګونو کورونه او پلورنځي  ويجاړ کړي دي .
  هغه وويل  چې د سېلاو له امله تړل شوي سړکونه  پرانستل شوي دي.او له سېلاو ځپلو سره  دبشر دوستانه مرستو  په لاره کې دي .
تراوسه پورې  د دغوسېلاونو له امله  د سرد زيان په باب  څه نه دي ويلي.
د پېښې عيني شاهدان وايي  چې په لسګونوکورنى له خپلو کورونو څخه وتلو ته اړ شوي دي  او په ښوونځيو،جوماتونو او يا د خپلو خپلوانوپه کورونو کې ځاى پرځاى شوي دي  اومرستو ته اړتيا لري .
  ختم _ج _اکرم

-کابل/ دزمري١٢مه/باختر:
د افغاني سرې مياشتې  عالي ټولنه په کابل کې په زرګونواړو کورنيوته د قرباني غوښې  د وېشلو بهير پيل کړې ده .
د رارسيدلوخبرونوله مخې ؛ ټاکل شوې ده  د نيکمرغه لوى اختر په ورځوکې په پايتتخت کې  شپږ زره کورنى  له دغې غوښې  څخه  ګټه واخلي.
د افغاني سرې مياشتې د عالي ټولنې  مرستيال اوسرپرست  ميرويس اکرم  د باختراژانس خبريال ته وويل:  د قربانى دغه غوښه د ترکيې سره مياشت  په افغانستان کې  له اړوکورنيو سره مرسته کړې ده .
هغه وويل: ټاکل شوې ده په کابل ښار کې د کرونا ويروس  د خپرېدو د قرنطين له امله  شپږ زره اړې اومصيبت ځپلې کورنى له دغې غوښې څخه  ګټه واخلي.
ختم _ ج _اکرم

-کابل/ دزمري١٢مه/باختر:
د ننګرهار ولايت په  سېلاو ځپلو کسانود بشر دوستانه مرستو ويشل پيل شول
د کوز کونړ ولسوالۍ په ځينوسيموکې د سېلاونو له راوتلو وروسته سيمه ييزو مسوولينو دغوسيمو ته د بشردوستانه مرستو  د لېږدونې اوپه مصيبت ځپلو د هغو د ويشلو  خبرورکړ.
د ننګرهار په کوز کونړ ولسوالۍ کې د سېلاونو له امله ١٦ تنه ووژل شول او  ٤ تنه نور ټپيان شول .
  دغه راز د دغوسېلاونو له امله  د يوماشوم په ګډون درې تنه نور بې درکه شوي دي.
د ننګرهار د رسنيودفتر د يوې خبرپاڼې په خپرولوسره ويلي دي  چې په کوز کونړ کې  د سېلاونو له لسو مصيبت ځپلو کورنيو سره  د نغدو پيسو اود خوراکي توکو  مرسته وشوه .
د ننګرهار ولايت له پېښو سره د مبارزې د تياري کمېټې  چې دغه بشر دوستانه مرسته يې ترسره کړي دي ، وايي  چې  له سېلاو ځپلو سره  د زياتو مرستو د جلبلولو لپاره  هڅې دوام لري .
ختم _ ج _اکرم

Page 1 of 2095