30 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

 کابل / د لړم ٩ مه / باختر 
د میلاد النبي (ص) په درناوي په کندز کې پر څه دپاسه زرو بېوزلو کورنیو خوراکي توکي ووېشل شول.
د کندز د مهاجرینو د راستنولو چارو رییس غلام سخي رسولي باختر آژانس ته وویل چې دغه ریاست د همکارو موسسو په همکارۍ د حضرت محمد مصطفی (ص) د میلاد په درناوي په کندز ښار کې پر ۱۰۱۵ جګړه ځپلو کورنیو خوراکي توکي ووېشل.
هغه زیاته کړه چې په دې دوره کې پر هرې کورنۍ ۴ بورۍ اوړه، ۴ بوشکې غوړي او ۲،۱ کیلو ګرامه بېسکوېټ ووېشل شول.
تېره اوونۍ هم پر دغو کورنیو لګښتي مالونه او روغتیايي بستې ویشل شوې وې.
پای/ع

 کابل / د لړم ٩ مه / باختر 
د سمنګانو د والي ویاند محمد صدیق عزیزي تېره شپه د دغه ولایت په مرکز ایبکو ښار کې په یوه ترافیکي پېښه کې ووژل شو.
د سمنګانو د امنیې قوماندانۍ ویاند عبدالمنیر رحیمي باختر آژانس ته وویل چې د سمنګانو د والي ویاند محمد صدیق عزیزي تېره شپه د ١١ بجو په شاوخوا کې چې د واده له مراسمو څخه د کور په لور روان و؛ د ده د سپرلۍ موټر د سمنګانو – مزارشريف لويې لارې په ايبکو ښار پورې اړوند بندر سيمه کې له يوه بار وړونکي موټر سره ټکر وکړ او ووژل شو.
هغه زیاته کړه چې په دې پېښه کې د یاد ولایت د مستوفیت ادارې کارکوونکی محمد نصیر مبارز ټپي شوی دی.
محمد صديق عزيزي د سمنګانو يو سابقه لرونکی خبريال و او په ۸۰ يمه لسيزه کې یې د سمنګانو د ملي راډيو ټلويزيون په آمريت کې دنده پيل کړه او له ۹۰مې لسيزې راپدېخوا د یاد ولايت د والي د وياند په توګه يې دنده ترسره کوله.
پای/ع

 

کابل/ د لړم ۸مه/ باختر

د افغانستان د اسلامي جمهوریت جمهوررئیس محمد اشرف غني نن ماښام د ویډیو کنفرانس له لارې د خوست ولایت د متنفذینو او استازو غوښتنې او وړاندیزونه واورېدل.

په پيل کې نورشاه نوراني د خوست د ولایتي شورا او حاجي عبدالرحمن ځدراڼ د متنفذینو په استازیتوب وویل، د خوست ولسونه د جمهوریت، نظام، امنیتي او دفاعي ځواکونو او د سولې مذاکراتو کې د جمهوررئیس  ټینګ ملاتړي دي.

دوی همدارنګه د خوست ملکي ادارې ته د پاملرنې ترڅنګ د ملکي او نظامي مسوولینو د لا زیاتې همغږۍ، د ملي اردو د لومړۍ لوا د قومندان د مقررۍ او د غلام خان بندر د تاسیساتو په اړه خپلې غوښتنې او وړاندیزونه له جمهوررئیس سره شریک کړل.

جمهوررئیس غني د ویډیو کنفرانس له لارې د دوی د غوښتنو او وړاندیزونو له اورېدو وروسته د بشریت د ستر لارښود د نېکمرغه میلاد د مبارکۍ ترڅنګ په خوست کې د وروستي برید له امله د اوښتو زیانونو تسلیت ووایه او خوست ولایت  ته د حکومت د زیاتې پاملرنې ډاډ یې ورکړ.

جمهوررئیس وویل، د لومړۍ لوا د قومندان د مقررۍ ترڅنګ به د راتلونکي کال بودجه کې د غلام خان بندر تاسیساتوته اساسي پاملرنه وشي او د ځمکې ستونزه به د خوست د خلکو په مرسته حل شي.

د هیواد جمهوررئیس د سیمه ییزه ارګانونو خپلواکې ادارې لوی رئیس ته د خوست ولایت په محلي اداره کې د مثبتو بدلونونو او سرحدي ولسوالیو ته د زیاتې پاملرنې ترڅنګ لارښوونه وکړه چې د یاد ولایت مرستیال دې له خوست څخه د متنفذینو په ګده سلا وټاکل شي.









 

کابل / دلړم ٨مه /باختر
د هېواد خلکو د اسلام د ستر پيغمبر حضرت محمد مصطفي ( ص)  نيکمرغه ميلاد ونمانځل.
نن او پرون د هېواد په ګوټ ګوټ کې د قران عظيم الشان ختم او د درناوي د غونډو د جوړولو ډګر و.
خلکو د اسلام د ستر پيغمبر روح ته د دعا ترڅنګ له اړو خلکو سره مرسته وکړه او د قران عظيم الشان ختمونه اوخيراتونه وکړل
سيمه ييزومسوولينوهم د هېواد  په ٣٤ ولايتونو کې  په  جلا جلا غونډو کې د بشريت د ناجي د ميلاد درناوى وکړ، خلکو د ديني عالمانواومسوولينو ترڅنګ  په دې مبارکه ورځ  د الله ( ج )  له دربار څخه  په افغانستان کې د سراسري سولې هيله وکړه او له طالبانو يې وغوښتل چې  په هېواد کې د بې ګناه انسانانو د وژلو او ورانکارى څخه لاس واخلي د سولې لاره  غوره کړي .
د کابل يو ديني عالم حاجي دين محمد وايي په افغانستان کې جګړه  شرعي اړخ نه لري اوکه چېرې طالبان رښتيا هم د سولې لپاره اراده لري خپله وسله  پرځمکه کېږدي او نور د بېګناه انسانانو وينې  تويې نه کړي .
د بلخ  په حيرتانو کې يوه ښځه انار ګل وايي چې  د اسلام د ستر پيغمبر د نيکمرغه ميلاد  په مناسبت  له خپلو بچيانو سره د قران عظيم الشان ختم وکړاو د الله ( ج )  له دربار څخه يې وغوښتل چې جګړه  ځپلې بې وزلۍ او بدبخته افغانستان  په پرمختللي اوسوکاله هېواد  بدل شي.
د اسلام د ستر پيغمبر ميلاد په داسې حال کې په افغانستان کې نمانځل کېږي چې وسله والو طالبانو له هر وخت څخه زيات  د هېواد په ځينوسيمو خپلو بريدونوته زور ورکړى دى . همدا اوس  د افغانستان زياته برخه د وسله والوطالبانو د بريدونو بمونو اوتوغنديو په اورکې سوځيږي.چې زياتره  ملکي وګړي پکې قرباني کېږي.
د خداى رسول  حضرت محمدمصطفي( ص)  د ربيع الاول په دولسمه د دوشنبې په ورځ په مکه کې وزېږيد .
د اخر الزمان پيغمبر نور په داسې حال کې د حجاز په اسمان کې وځلېد چې جعل او تورتم ، ظلم اوبې عدالتي اوخرافات په بشري ټولنې په تېره بيا  د عربستان په ټاپو وزمه سيورى اچولې و.
پيغمبر په خپل راتګ سره  نړيوالو ته  يو ښوونځي شو.او ټولو ته  د لارې پرانستونکې شو.
د افغانسان او نړۍ مسلمانان هرکال د اسلام د ستر پيغمبر نيکمرغه ميلاد نمانځي اوپه دې ورځ په افغانستان کې عمومي رخصتي ده .
ختم_ ج_اکرم

Page 1 of 2179