20 July 2019

RSS Facebook

سوداگریز


تازه خبرونه

په ميدان وردګو کې د سوېډن کمېټې روغتيايي مرکزونه بيا فعال شول

په ميدان وردګو کې د سوېډن کمېټې روغتيايي مرکزونه بيا فعال شول

کابل / باختر/ د چنګاښ ٢٩ مه د سوېډن کمېټې روغتيايي...

  باميان د هېواد د خپلواکۍ د سلمې کاليزې د درناوي په درشل کې

باميان د هېواد د خپلواکۍ د سلمې کاليزې د درناوي په درشل کې

کابل / باختر/ د چنګاښ ٢٩ مه د باميانو د سيمه...

Youtube Player

khantry design

سوداگریز

سوداگریز

ورزشی

کابل/باختر/ د چنګاښ ۲۳ مه
د ورزش زيات مينه وال په دې بارو دي چې د کرکټ په ملي ټيم کې د بدلونونو له امله رامنځته شوى بحران به، لرې شي.
د باختراژانس د خبريال د خبرله مخې، په دې کې د ترديد هيڅ ځاى شتون نه لري  چې په افغانستان کې کرکټ په ډير لږ عمر کې  زيات مينه وال لري .
په نړيوالو سياليو کې د هېواد د کرکټ د ملي ټيم کمزورې پايلې له زياتو غبرګونونو سره مخامخ شوې دي، خو په دې کار کې هيڅکله دې ته فکر نه دى شوى چې د هېواد د کرکټ ملي ټيم د څو لسيزو لاره په څو کلونوکې وهلې او د نړۍ د ډېرو غوره لوبډلو په کتار کې يې ځاى نيولى دى .
د ورزش مينه وال حق لري چې خپل نظر څرګند کړي،  کمزورتياو ته ګوټه ونيسي،  د کمزورتيا لاملونه او انګيزې  وپيژنې، څو د هېواد د کرکټ بورډ مشرتابه  په دقيقې څيړنې سره هغه څه چې د هېواد د کرکټ په ملي لوبډله کې د بحران سبب شوى دى ويې څېړي .
په پنځوس اوريزو سياليو کې د ملي ټيم  د مشر په توګه د راشد خان ارمان  له ټاکنې وروسته اوس دغه څرګندونې  قوت موندلى دى چې د هېواد د کرکټ ملي ټيم بيا ځلېږي، په نيمګړتياو بريالي کېږي  او د وياړنو راوړنو ته  دوام ورکوي .
  ختم_ ج _ اکرم

 

کابل/باختر/ د چنګاښ ٢٢مه
د لومړي ځل لپاره د فارياب په مرکز ميمنه کې د ښځو ترمنځ د بايسکل ځغلونې سيالي وشوه.
د فارياب د بايسکل ځغلونې فدراسيون مسوول انجنير عبدالصبور باختر آژانس ته وويل چې دغه سيالۍ نن سهار د اته ويشتو ښځو ترمنځ وشوه چې د دې سيالى برخه والو دوه کيلومتره واټن وواهه.
هغه زياته کړه چې په دې سيالۍ کې درېيو ځوانو نجونو لومړى، دويم اودرېيم مقامونه وګټل.
د دې سيالۍ برخه والو د ورزشي امکاناتو او بايسکلونو د نشتوالي يادونه وکړه او له مسوولينوڅخه يې وغوښتل چې په دې باب پاملرنه وکړي او د ورزشکارانو ملاتړ وکړي .
ويل کېږي دا لومړى ځل دى چې په فارياب کې د نجونو ترمنځ دغه شان سيالي ترسره کېږي.
ختم - ف - اکرم

کابل/باختر/ د چنګاښ ٢١مه د افغانستان د اسلامي جمهوریت جمهورريیس محمد اشرف غني تېر ماښام د افغانستان د کرکټ بورډ له غړو سره وکتل او د افغانستان د کرکټ بورډ د وضعیت په اړه یې د هغوی ارزونه او راپور واورېد. د جمهوررييس د وياند دفتر باختر آژانس ته خبر ورکړ: لومړی، د افغانستان د کرکټ بورډ غړو وویل: د ۲۰۱۹ کال د نړیوال جام سیالیو پر مهال او تر هغه وروسته د افغانستان د کرکټ وضعیت وارزول شو او د ملي ټیم د ښه والي لپاره ځینې اقدامات ترسره شوي دي. وروسته جمهورريیس غني د هېواد د کرکټ ملي ټیم او د افغانستان کرکټ بورډ د هڅو د ستاینې ترڅنګ وویل: د کرکټ ملي ټیم تل د افغانستان لپاره لویې لاسته راوړنې او ویاړونه راوړي دي او د ملي ټیم بری د خلکو لپاره یوه مهمه موضوع ده. جمهورريیس زیاته کړه: کرکټ د خلکو ملي پانګه ده او د هغه د وضعیت د ښه والي لپاره باید پانګونه پرې وکړو. جمهورريیس په کرکټ بورډ کې ستونزو ته په اشارې وویل: د کرکټ بورډ تشکیلاتي ستونزې او اړتیاوې دې جدي وارزول شي او د رفع کېدو لپاره دې عاجل اقدامات وشي. هغه زیاته کړه: دا د بورډ مسوولیت دی چې د ټیم د ښه ځلېدو د هڅو ترڅنګ په ټیم کې نظم او اتحاد وساتل شي. جمهورريیس وویل: موږ د شل آوریز نړیوال جام سیالۍ په مخکې لرو او په هغه کې د بریالي کېدو لپاره باید لازم تیاری ونیول شي. جمهورريیس څرګنده کړه: کرکټ باید د یوې ملي پانګې په توګه سراسري شي او د ودې لپاره یې لنډمهاله او اوږدمهاله پروګرامونه ترتیب شي. # پاى – ع

کابل باختر د چنګاښ ١٨مه :
په هرات کې  دترکمنستان قونسل وايي چې هېواد يې ډېر ژر په هرات کې يوستر ورزشي  مرکز جوړوي .
هغه دهرات والي عبدالقيوم  رحيمي سره په کتنه کې  وويل چې، دورزشکارانو اړتياوې دوى ته ووايي  .
دهرات والي دترکمنستان له ژمنې  چې ديو ورزشي مرکز دجوړولو لپاره يې کړې وويل : ډېرژر به ددغه ورزشي  مرکز دجوړولو لپاره زمينه برابره  کړي .
رحيمي له ترکمنستان څخه په تېره بيا دکشک اورباط  سنګي په ولسوالۍ کې دواتونوپه جوړولو کې دونډې اخېستلو غوښتونکې شو .
  ختم_س عيده_ اکرم

Page 1 of 575