سیاست

افغان حکومت : د بریتانیایي عسکرو له خوا له افغان ماشومانو څخه ناوړه استفاده په کلکه غندو

کابلباختردمرغوي ٢٨ مـــــــــــــه

  د افغانستان حکومت د هغه خپاره شوي خبر له مخې چې دوه بریتانیایي سرتېرو دوه افغان ماشومان هڅولي دي چې د جامو پر سر د دغو سرتېرو بدنونه لمس کړي، په ژوره توګه خواشینی شوی دی.

په هغې مطبوعاتي اعلاميه کې چې په دې اړوند دجمهوررييس دويندوى دمطبوعاتي دفتر له لارې د باختراطلاعاتي اژانس ته رسيدلى ده ويل شوى دي

 د رارسيدلو رپوټونو له مخې دوو بریتانیایي سرتیرو یو لس کلن هلک او یوه لس کلنه نجلۍ ناوړه جنسي اړیکو ته هڅولې دي او بیا یې د هغوی ویدیو نورو عسکرو ته ښودلې ده.

د افغانستان حکومت د بریتانیایي سرتېرو دغه عمل غندي او هغه له اخلاقو او انسانیت څخه لرې عمل بولي.

د افغانستان حکومت د بهرنیو عسکرو له خوا د دا ډول مواردو له  ډیریدو څخه په ژوره توګه اندیښنه لري،او وایي که د دا ډول عـملونو مخه ونه نیول شي، په بهرنیو عســکروبه د افغانستان د خـلکـو باور کم او له هغوی  سره به یې همکاري کمزورې شي.

 

له دې امله دافغانستان حکومت د بریتانیا له حکومت څخه په ټینګار سره غواړي چې په دې اړه  عاجلې او جدي څېړنې وکړي او دغه دوه سرتیري دې مجازات کړي.

نمایش بیشتر

نوشته های مشابه

Leave a Reply

Your email address will not be published. Required fields are marked *

دکمه بازگشت به بالا