اووه تنه وسله وال مخالفين ووژل شول .

٢٥-کابل باختر  دسلواغي پنځمه

 اووه تنه وسله وال مخالفين تيره شپه په فارياب  ولايت کې  ووژل شول .  دفارياب والي  عبدالحق شفق دباختر له اطلاعاتي اژانس سره په يوه تيلفوني اړيکه کې وويل: تيره شپه دايساف دځواکونو دعسکرو له خوا په هوايي بريد کې چې د مخالفينو پرخلاف  ددغه ولايت دپښتون کوټ ولسوالۍ دقزل قله په سيمه  کې ترسره شول اووه تنه وسله وال مخالفين ووژل شول .

 دغه راز دفارياب والي وويل، دوژل شويو کسانو مړي په سيمه کې پاتې دي خو په سيمه کې ملکي وګړو ته هيڅ راز زيان نه دى اوښتى  .

 دده  دڅرګندونو له مخې، څلور کلاشينکوفونه ، يوه پيکا او اته لاسي بمونه په سيمه کې دپوليسو دځواکونو لاس ته ورغلي دي .