امنیتTOP

د شاه ولي کوټ مشرانو اوځوانانوله وسله والو ځواکونوسره ملاتړ اعلام کړ

کابل /دتلي ٢مه /باختر:
د قندهارد شاه ولي کوټ ولسوالۍ مشرانو اوځوانانو په يوه غوڼډه کې د افغانستان له وسله والو ځواکونوسره خپل ملاتړ اعلام کړ.
دغه غونډه  پرون د سلګونو قومي مشرانو اوځوانانو په ګډون جوړه شوه.
د غونډې برخه والو پوځيان د افغانستان رښتيني اتلان او مجاهدين وبلل او ويې ويل  دا پوځيان دي  چې د تروريستانو او ورانکارو بانډونوپه وړاندې په سرښندنې سره خپل ټټر نيسي چې موږ ارامه واوسو.
د قندهار د شاه ولي کوټ يو اوسيدونکى مولوي عبدالله باختراژانس ته وويل  چې تروريستان  زموږ زامن وژني خو زموږ پوځيان  په سرښندنې سره هلې ځلې کوي چې دهغوى مخه ونيسي.
د قندهار د شاه ولي کوټ  ځوانانو اومشرانو په دې غونډه کې وويل:   له خپلو پوځيانو سره به  د امنيت د تامينولو او له ډار اچونې سره د مبارزې  په لاره کې مرسته وکړي.
هغوى په افغانستان کې روانه جګړه ناروا وبلله  او د طالبانو له ډلې څخه يې وغوښتل  چې د ورانکاريو له دوام څخه دې  لاس واخلي او د سولې د تامينولو لپاره د خلکو غوښتنې  ومني.
ختم_ ج _اکرم

نمایش بیشتر

نوشته های مشابه

Leave a Reply

Your email address will not be published. Required fields are marked *

دکمه بازگشت به بالا