خبرونهروغتیا

د عامې روغتيا وزارت د پاليسي او پلان معين د کاپيسا روغتيايي چارې وڅزړلې

کابل /د ليندى ٢٠مه /باختر

د عامې روغتيا وزارت د پاليسۍ او پلان معين ډاکټر بشير نورمل د کاپيسا  روغتيايي حالت وڅزړه.

د باختراژانس د خبرله مخې؛  ډاکټر بشير نورمل د کاپيسا له والي  عبداللطيف مراد سره وکتل او د روغتيايي خدمتونو د وړاندې کولو، د روغتيايي مرکزونو د سمبالولواو د کاپيسا د سل بستريز روغتون د برېښنا د سيستم او تشکيل په اړه  خبرې  اترې وکړې .

د باختراژانس د خبرله مخې؛  ډاکټر نورمل  د روغتيايي خدمتونو د وړاندې کولوپه لاره کې د کاپيسا  د رهبرى  د ملاتړ له امله  په قدردانۍ سره مسوولينو ته لارښوونه وکړه چې په دغه ولايت کې  د روغتيايي اړتياو د لرې کولو په  خاطر جدي او عملي اقدامات وکړي .

د عامې روغتيا وزارت د پاليسۍ اوپلان معين د کرونا ويروس  د اخته ناروغانو روغتون وکوت  اوپه دغه روغتون کې د روغتيايي کارکوونکو کارونه وڅېړل.

هغه په دغه روغتون کې د روغتيايي کارکوونکو  د هلوځلو او کارونو په خاطر په قدردانى سره ژمنه وکړه  چې د عامې روغتيا وزارت اړو کسانوته د روغتيايي امکاناتو د برابرولو په خاطر به  له هيڅ راز هلوځلوڅخه ډډه ونه کړي.

دغه راز د دغه ولايت روغتيايي مسوولينو خپلې ستونزې اوپيشنهادونه د پاليسۍ او پلان له معين سره طرحه کړل او د عامې روغتيا وزارت  د مشرتابه له خوا د هغو د څېړنې غوښتنه وکړه .

ختم_ ج _اکرم

نمایش بیشتر

نوشته های مشابه

دکمه بازگشت به بالا