خبرونهټولنه

 د ښځوپرخلاف د تاوتريخوالي نړيواله ورځ په تخار کې ونمانځل شوه

کابل/ د ليندۍ ٦مه /باختر

د ښځود ستونزو د حل تر عنوان لاندې  د ښځو پرخلاف د تاوتريخوالي  ١٦ورځنۍ کمپاين  نن په تخارکې پيل شو.

دغه کمپاين د تخار  د رهبرى په همغږى او د المان  د جي اي زيد د دفتر په مالي همکارى د تخار د والي د مرستيال ، په شمال ختيځ زون کې د يوناما د دفتر د رييس ، د ښارې  محکمې د رييس او د دولتي اوغير دولتي بنسټونو د رييسانو، ملي رسنيواو د يو زيات شمېرښځو اونارينه و په ګډون پيل شو.

د باختراژانس خبريال د خبرله مخې؛ د تخار د والي مرستيال محمدفريد ذکي  د موضوع په اړه خبرې وکړې او ويې ويل چې ښځه مور ده  اوله ټولو يې وغوښتل چې له ښځو سره په مهربانى  اومينې سره چلند وکړي .او د ښځو پرخلاف  د مبارزې لپاره زياتې هلې ځلې وکړي .

په دې غونډه کې د تخار د ښځو د چارو رييسې اويوشمېر نورو وينا والو د ښځو پرخلاف د تاوتريخوالي  د له منځه وړلو په اړه خبرې وکړې او ويې ويل چې ښځه د ټولنې نيمايي برخه ده اود ټولنې بشپړوونکي شمېرل کېږي او له ټولو يې وغوښتل چې  په همغږى سره  د ښځو پرخلاف د تاوتريخوالي  د له منځه وړلو په خاطر مبارزه وکړي

غونډه  د ښځو پرخلاف د تاوتريخوالي د له منځه وړلو په اړه د يوې تمثيلي ټوټې په اجرا کولو او د ستاين ليکونو په ورکولو سره پاى ته ورسېده .

ختم – ج -اکرم

نمایش بیشتر

نوشته های مشابه

دکمه بازگشت به بالا