خبرونهامنیت

شپاړس طالبان په قندهار کې ووژل شول

کابل / د ليندۍ ۵ مه / باختر

په قندهار کې ۱۶ وسله وال طالبان په دوو نښتو کې ووژل شول.

دغه نښتې تېره شپه په پنجوايي او میوند ولسوالیو کې هغه وخت رامنځته شوې چې طالبانو د پوځیانو پر پوستو بریدونه وکړل.

د هېواد په جنوب لوېدیځ کې د میوند قول اردو یوه جګپوړي مقام باختر آژانس ته وویل چې په جګړو کې د دوو پاکستانیانو په ګډون۱۶وسله وال طالبان وژل شوي دي.

هغه وویل چې پر یرغلګرو د برید په وخت کې له ځمکې او هوا بریدونه وشول.

وسله والو طالبانو تراوسه په دې اړه څه نه دي ویلي.

د یو بل خبر له مخې:

په قندهار کې د طالبانو د جنګي وسایل یوه زېرمه کشف شوه.

دغه زېرمه په ژیړۍ ولسوالۍ کې د طالبانو یو پټنځي کې ساتل کېده.

پولیس وایي چې له دغې زېرمې څخه بمونه، ماینونه او د بمونو د کنټرول دستګاوې ترلاسه شوې دي.

پای/ سعیده

 

 

نمایش بیشتر

نوشته های مشابه

دکمه بازگشت به بالا