خبرونهټولنه

په هرات کې ترافيکي پيښې  زياتې شوې دي

 کابل/ د مرغومي٥مه / باختر

په هرات کې په دې وروستيو کې ترافيکي پيښې زياتې شوې دي.

د وړاندې شويو شميرنو له مخې په هرات کې  په تيره يوه اوونۍ کې٧ ترافيکي پيښې شوې چې له امله يې ١٧کسان  وژل شوي او ٤٠ نور ټپيان شوي دي.

دهرات د حوزوي روغتون سرطبيب ډاکترعارف جلال باخترآژانس ته وويل: سږکال  په هرات کې د تيرکال په پرتله ١٠ سلنه ترافيکي پېښې زياتې شوي دي چې په يوه ورځ کې ددغو پيښو له ٢٠ تر٣٠ ټپيان دغه  روغتون ته راوړل شوي دي.

د هرات د حوزوي روغتون سرطبيب وويل  په تيرو ٩ مياشتو کې د هرات په حوزي روغتون کې ٧٦٢٨ تنه ټپيان او٢١٠ تنه مړي ثبت شوي دي.

په هرات کې د ترافيکي پيښو د زياتوالي علت  د پاکستان لاس موټرونه، د ترافيکي قوانينو نه راعايتول او د نقليه وسايطو بې پروايي او ګړندى تګ بلل شوى دى.

پاى \ ذ

نمایش بیشتر

نوشته های مشابه

دکمه بازگشت به بالا